ምዕራፍ 10

በይሖዋ ምሥክሮች ስብሰባ ላይ መገኘትህ የሚጠቅምህ እንዴት ነው?

በወረቀት የሚታተመው

በይሖዋ ምሥክሮች ስብሰባ ላይ እንድትገኝ ተጋብዘህ ታውቃለህ? ከዚህ በፊት ተገኝተህ የማታውቅ ከሆነ ለመጀመሪያ ጊዜ በስብሰባቸው ላይ መገኘት ያስፈራህ ይሆናል። ‘በእነዚህ ስብሰባዎች ላይ ምን ይከናወናል? እነዚህን ስብሰባዎች ማድረግ አስፈላጊ የሆነው ለምንድን ነው? እኔስ መገኘት ያለብኝ ለምንድን ነው?’ ብለህ ትጠይቅ ይሆናል። በዚህ ምዕራፍ ውስጥ፣ ከሌሎች ጋር አብረህ መሰብሰብህ ወደ አምላክ ለመቅረብ የሚያስችልህና በግል ሕይወትህ የሚረዳህ እንዴት እንደሆነ እንመለከታለን።

1. አብረን የምንሰበሰብበት ዋነኛው ምክንያት ምንድን ነው?

አንድ የመጽሐፍ ቅዱስ ጸሐፊ ከሌሎች ጋር መሰብሰብ አስፈላጊ የሆነበትን ዋነኛ ምክንያት ሲገልጽ “በታላቅ ጉባኤ መካከል ይሖዋን አወድሳለሁ” ብሏል። (መዝሙር 26:12) በዛሬው ጊዜም የይሖዋ ምሥክሮች አብረው መሰብሰብ በጣም ያስደስታቸዋል። በዓለም ዙሪያ ያሉ የይሖዋ ምሥክሮች አምላክን ለማወደስ፣ ለመዘመርና ለመጸለይ በየሳምንቱ አብረው ይሰበሰባሉ። በተጨማሪም በዓመት ውስጥ ለተወሰኑ ጊዜያት ትላልቅ ስብሰባዎችን በማድረግ አምልኮ ያቀርባሉ።

2. በስብሰባዎቻችን ላይ ምን ትማራለህ?

በስብሰባዎቻችን ላይ የሚሰጠው ትምህርት በሙሉ በአምላክ ቃል ላይ ያተኮረ ነው፤ የአምላክን ቃል ‘በግልጽ የሚያብራራና ትርጉሙ ምን እንደሆነ’ የሚገልጽ ትምህርት ይቀርባል። (ነህምያ 8:8⁠ን አንብብ።) በስብሰባዎቻችን ላይ ስትገኝ ስለ ይሖዋና ድንቅ ስለሆኑት ባሕርያቱ የመማር አጋጣሚ ታገኛለህ። ይሖዋ ለአንተ ስላለው ፍቅር ይበልጥ ባወቅክ መጠን ወደ እሱ እየቀረብክ ትሄዳለህ። በተጨማሪም በስብሰባዎቻችን ላይ፣ አምላክ አስደሳች ሕይወት እንድትመራ የሚረዳህ እንዴት እንደሆነ ትማራለህ።—ኢሳይያስ 48:17, 18

3. በስብሰባዎቻችን ላይ ከሌሎች ጋር መገናኘትህ ምን ጥቅም ያስገኝልሃል?

ይሖዋ ‘እርስ በርስ ለፍቅርና ለመልካም ሥራዎች መነቃቃት እንድትችሉ አንዳችሁ ለሌላው ትኩረት ስጡ፤ . . . መሰብሰባችሁን ቸል አትበሉ’ የሚል ምክር ሰጥቶናል። (ዕብራውያን 10:24, 25) በስብሰባዎቻችን ላይ እርስ በርስ ከልብ የሚተሳሰቡና ልክ እንደ አንተ ስለ አምላክ ይበልጥ ማወቅ የሚፈልጉ ሰዎችን ታገኛለህ። ከመጽሐፍ ቅዱስ ላይ ያገኟቸውን የሚያበረታቱ ሐሳቦች ሲናገሩ ትሰማለህ። (ሮም 1:11, 12⁠ን አንብብ።) በተጨማሪም በሕይወት ውስጥ ያጋጠሟቸውን ችግሮች በተሳካ ሁኔታ እየተወጡ ካሉ ያላገቡም ሆኑ ትዳር የመሠረቱ ሰዎች ጋር የመጨዋወት አጋጣሚ ታገኛለህ። ይሖዋ አዘውትረን እንድንሰበሰብ ከሚፈልግባቸው ምክንያቶች መካከል እነዚህ ጥቂቶቹ ናቸው።

ጠለቅ ያለ ጥናት

በይሖዋ ምሥክሮች ስብሰባዎች ላይ ምን እንደሚከናወንና በእነዚህ ስብሰባዎች ላይ ለመገኘት የምታደርገው ጥረት አያስቆጭም የምንለው ለምን እንደሆነ እንመለከታለን።

4. የይሖዋ ምሥክሮች ስብሰባዎች

በመጀመሪያው መቶ ዘመን ክርስቲያኖች ለይሖዋ አምልኮ ለማቅረብ አዘውትረው ይሰበሰቡ ነበር። (ሮም 16:3-5) ቆላስይስ 3:16⁠ን አንብቡ፤ ከዚያም በሚከተለው ጥያቄ ላይ ተወያዩ፦

በመጀመሪያው መቶ ዘመን የነበሩት ክርስቲያኖች ለይሖዋ አምልኮ የሚያቀርቡት እንዴት ነበር?

በዛሬው ጊዜም የይሖዋ ምሥክሮች በአምልኮ ቦታዎቻቸው አዘውትረው ይሰበሰባሉ። ስብሰባዎቻቸው ምን እንደሚመስሉ ለማየት ቪዲዮውን ተመልከቱ። ከዚያም ቪዲዮውንና የጉባኤ ስብሰባ ሲደረግ የሚያሳየውን ሥዕል ተጠቅማችሁ በሚከተሉት ጥያቄዎች ላይ ተወያዩ፦

ቪዲዮ፦ በስብሰባ አዳራሻችን ውስጥ ምን ይከናወናል? (2:12)

በስብሰባ አዳራሻችን ውስጥ በቆላስይስ 3:16 ላይ የተጠቀሱት የትኞቹ ነገሮች እንደሚከናወኑ አስተውለሃል?
በቪዲዮው ወይም በሥዕሉ ላይ ሌላ ትኩረትህን የሳበው ነገር አለ?

ሁለተኛ ቆሮንቶስ 9:7⁠ን አንብቡ፤ ከዚያም በሚከተለው ጥያቄ ላይ ተወያዩ፦

በይሖዋ ምሥክሮች ስብሰባዎች ላይ ገንዘብ የማይጠየቀው ለምንድን ነው?

በዚህ ሳምንት ስብሰባ ላይ ምን ትምህርቶች እንደሚቀርቡ ከአስተማሪህ ጋር ተወያዩ።

በስብሰባው ላይ ከሚቀርቡት ትምህርቶች መካከል የአንተን ትኩረት የሳበው ወይም ሊጠቅምህ እንደሚችል የተሰማህ የትኛው ነው?

ይህን ታውቅ ነበር?

jw.org ላይ በዓለም ዙሪያ ስብሰባዎቻችን የሚደረጉበትን አድራሻና ሰዓት ማግኘት ትችላለህ።

በስብሰባ አዳራሽ ውስጥ ከስብሰባ በፊት፣ በስብሰባ ወቅትና ከስብሰባ በኋላ የሚከናወኑትን ነገሮች የሚያሳዩ ሥዕሎች። ከሀ እስከ መ ያሉት ሥዕሎች ይህንኑ የሚያሳዩ ናቸው

ሀ. አንድ የይሖዋ ምሥክር ከመድረክ ላይ ሆነ መጽሐፍ ቅዱሳዊ ንግግር ሲሰጥ

ሀ. በስብሰባዎቻችን ላይ ንግግሮችና ቪዲዮዎች ይቀርባሉ፤ እንዲሁም ለመስበክና ለማስተማር የሚረዱ ሥልጠናዎች ይሰጣሉ። ስብሰባዎቻችን የሚጀመሩትና የሚደመደሙት በመዝሙርና በጸሎት ነው
ለ. በአንዳንድ የስብሰባው ክፍሎች ላይ አድማጮች ሐሳብ እንዲሰጡ ይጋበዛሉ
ሐ. ቤተሰቦችን፣ ያላገቡ ሰዎችን፣ አረጋውያንንና ልጆችን ጨምሮ ማንም ሰው በስብሰባዎቻችን ላይ መገኘት ይችላል
መ. በስብሰባዎቻችን ላይ ገንዘብ አንጠይቅም። የይሖዋ ምሥክሮች የመግቢያ ክፍያ አይጠይቁም ወይም እየዞሩ ከተሰብሳቢዎች ገንዘብ አይቀበሉም

5. በስብሰባዎች ላይ መገኘት ጥረት ይጠይቃል

የኢየሱስ ቤተሰቦች በዚህ ረገድ የተዉትን ምሳሌ ተመልከት። በየዓመቱ በሚከበር አንድ በዓል ላይ ለመገኘት ከናዝሬት እስከ ኢየሩሳሌም ድረስ ያለውን 100 ኪሎ ሜትር ገደማ የሚሆን ተራራማ መንገድ መጓዝ ነበረባቸው። ሉቃስ 2:39-42⁠ን አንብቡ፤ ከዚያም በሚከተሉት ጥያቄዎች ላይ ተወያዩ፦