¹³ ኢየሱስ “ከኢየሩሳሌም ወደ ኢያሪኮ” ስለሚወስደው መንገድ ሌሎች የሚታወቁ ዝርዝር ነገሮችንም ጠቅሷል። በምሳሌው መሠረት በመጀመሪያ አንድ ካህን ቀጥሎም አንድ ሌዋዊ በዚያ መንገድ አልፈዋል፤ ሆኖም አንዳቸውም ቆም ብለው ጉዳት የደረሰበትን ሰው ለመርዳት አልሞከሩም። (ሉቃስ 10:​31, 32) ካህናት ኢየሩሳሌም በሚገኘው ቤተ መቅደስ የሚያገለግሉ ሲሆን ሌዋውያን ደግሞ ያግዟቸዋል። ብዙ ካህናትና ሌዋውያን በቤተ መቅደሱ ውስጥ ሥራ በማይኖራቸው ጊዜ በኢያሪኮ ይቀመጣሉ፤ በኢያሪኮና በኢየሩሳሌም መካከል ያለው ርቀት 21 ኪሎ ሜትር ብቻ ነው። ስለዚህ በዚያ መንገድ ላይ ካህን ወይም ሌዋዊ ሲያልፍ ማየት የተለመደ ነው። በተጨማሪም ኢየሱስ የጠቀሰው ሰው ‘ከኢየሩሳሌም እየወረደ’ እንደነበር ልብ በል። ኢየሱስ ይህን ያለበት ምክንያት ለአድማጮቹ ግልጽ ነው። ኢየሩሳሌም ከኢያሪኮ ከፍ ባለ ቦታ ላይ ትገኝ ነበር። ስለዚህ አንድ ሰው “ከኢየሩሳሌም” ተነስቶ ወደ ኢያሪኮ የሚጓዝ ከሆነ ‘ወረደ’ መባሉ ምክንያታዊ ነው።b ኢየሱስ ምሳሌውን የተናገረው አድማጮቹን በአእምሮው ይዞ እንደሆነ ግልጽ ነው።