19, 20. (ሀ) ይሖዋ ሄሮድስን የቀጣው ለምንድን ነው? (ለ) ሄሮድስ አግሪጳ በድንገት ስለ መቀሰፉ ከሚገልጸው ዘገባ ምን ማጽናኛ ማግኘት እንችላለን?

¹⁹ ይህ ዓይነቱ ክብር ሊሰጥ የሚገባው ለአምላክ ነው፤ አምላክ ደግሞ ሁኔታውን ይመለከት ነበር! ሄሮድስ ራሱን ከጥፋት ማዳን የሚችልበት አጋጣሚ ነበረው። ሕዝቡን መገሠጽ፣ ሌላው ቢቀር ትክክል አለመሆናቸውን መናገር ይችል ነበር። ሄሮድስ ግን “የትዕቢት መንፈስ . . . ውድቀትን ይቀድማል” ለሚለው አባባል ዓይነተኛ ምሳሌ ሆኗል። (ምሳሌ 16:18) “ወዲያውኑ የይሖዋ መልአክ ቀሰፈው”፤ በትዕቢት የተወጠረው ይህ ንጉሥ አሟሟቱ አላማረም። ዘግናኝ በሆነ ሁኔታ “በትል ተበልቶ” ሞተ። (ሥራ 12:23) ጆሴፈስም ቢሆን ሄሮድስ በድንገት መቀሰፉን ገልጿል፤ አክሎ እንደጻፈውም ለሞት በሚዳርግ መቅሰፍት የተመታው የሕዝቡን ሽንገላ በመቀበሉ እንደሆነ ንጉሡ ራሱ ገብቶት ነበር። ሄሮድስ አምስት ቀን ሲሠቃይ ቆይቶ እንደሞተ ጆሴፈስ ጽፏል።b