ወደ አምላክ ቅረብ

‘ከአምላክ ፍቅር ሊለየን’ የሚችል ነገር ይኖራል?

ሮሜ 8:38, 39

መወደድ የማይፈልግ ማን አለ? እንዲያውም ቤተሰቦቻችንና ጓደኞቻችን እንደሚወዱን ሲሰማን እንደሰታለን። በሰዎች መካከል ያለው ፍቅር በቀላሉ ሊጠፋ ወይም ደግሞ በጊዜ ሂደት አሊያም በተለያዩ ምክንያቶች ሊቀዘቅዝ የሚችል መሆኑ ያሳዝናል። የምንወዳቸው ሰዎች ሊያስቀይሙን፣ ሊያገሉን አልፎ ተርፎም ሊጠሉን ይችላሉ። ይሁን እንጂ ፍቅሩ ምንጊዜም የማይቀዘቅዝ አንድ አካል አለ። ይሖዋ አምላክ ለአገልጋዮቹ ያለው ፍቅር በሮሜ 8:38, 39 ላይ ማራኪ በሆነ መንገድ ተገልጿል።

“ከፍታም ይሁን ጥልቀት።” ይሖዋ ሕዝቦቹ በየትኛውም ሁኔታ ሥር ቢገኙ ማለትም ያሉበት አካላዊም ሆነ ስሜታዊ ሁኔታ ምንም ይሁን ምን ይወዳቸዋል።

“ወይም የትኛውም ፍጥረት።” ጳውሎስ በእነዚህ ቃላት አማካኝነት የይሖዋን ታማኝ አገልጋዮች ከእሱ ፍቅር ሊለያቸው የሚችል አንድም ነገር እንደሌለ ገልጿል።

የሰዎች ፍቅር እያደር ሊጠፋ አሊያም ሊቀዘቅዝ የሚችል ቢሆንም አምላክ በእሱ ለሚያምኑ ሰዎች ያለው ፍቅር ግን ምንጊዜም የማይለወጥና ዘላለማዊ ነው። ይህን ማወቃችን ወደ ይሖዋ ይበልጥ እንድንቀርብና ለእሱ ያለንን ፍቅር ለማሳየት የምንችለውን ሁሉ እንድናደርግ እንደሚያነሳሳን ጥርጥር የለውም።