17. የመጀመሪያው መቶ ዘመን ክርስቲያኖች የስብከት ሥራ ውጤታማ እንደነበረ የሚያሳየው ምንድን ነው?

¹⁷ የመጀመሪያው መቶ ዘመን ክርስቲያኖች የአምላክን መንግሥት ምሥራች በማይቀዘቅዝ ቅንዓት ሰብከዋል። (ማቴዎስ 24:​14) በ60 እዘአ ገደማ ጳውሎስ ምሥራቹ “ከሰማይ በታች ባለው ፍጥረት ሁሉ ዘንድ [ተሰብኳል]” ለማለት ችሎ ነበር። (ቆላስይስ 1:​23) በመጀመሪያው መቶ ዘመን ማብቂያ ላይ የኢየሱስ ተከታዮች በመላው የሮማ ግዛት ማለትም በእስያ፣ በአውሮፓና በአፍሪካ ደቀ መዛሙርትን አፍርተው ነበር! ሌላው ቀርቶ ‘ከቄሣር ቤተሰብ’ አባላት መካከል አንዳንዶች ክርስቲያኖች ሆነው ነበር።a (ፊልጵስዩስ 4:​22) ይህ ቅንዓት የተሞላበት ስብከት ጥላቻን አስነስቷል። ኔአንደር እንዲህ ሲሉ ተናግረዋል:- “ክርስትና በሁሉም የኑሮ መስኮች በሚገኙ ሰዎች ዘንድ ያለማቋረጥ ተቀባይነት እያገኘ በመምጣቱ መንግሥታዊውን ሃይማኖት ስጋት ላይ ጥሎት ነበር።”