“ደማቅ ቀይ ቀለም ያለው ሌላ ፈረስ ወጣ፤ በእሱም ላይ ለተቀመጠው ሰዎች እርስ በርሳቸው ይተራረዱ ዘንድ ሰላምን ከምድር እንዲወስድ ተፈቀደለት፤ እንዲሁም ትልቅ ሰይፍ ተሰጠው።”—ራእይ 6:4

ይህ ጋላቢ ጦርነትን ይወክላል። ጋላቢው ሰላምን የሚወስደው ከጥቂት አገሮች ላይ ብቻ ሳይሆን ከመላው ምድር እንደሆነ ልብ በል። በ1914 በታሪክ ውስጥ ለመጀመሪያ ጊዜ ዓለም አቀፋዊ ጦርነት ተከሰተ። ከዚያ በኋላ ደግሞ የከፋ ጥፋት ያስከተለ ሁለተኛ የዓለም ጦርነት ተቀሰቀሰ። ከ1914 አንስቶ በተከሰቱ ጦርነቶችና ግጭቶች የተነሳ ከ100 ሚሊዮን የሚበልጡ ሰዎች እንደሞቱ ይገመታል! ሌሎች ከፍተኛ ቁጥር ያላቸው ሰዎች ደግሞ ከባድ የአካል ጉዳት ደርሶባቸዋል።

በእርግጥም የምንኖርበት ዘመን ጦርነት የነገሠበት ነው። በታሪክ ውስጥ ከዚህ በፊት ሆኖ በማያውቅ መልኩ የሰው ልጅ በምድር ላይ ያሉትን ሰብዓዊ ፍጡራን በሙሉ የማጥፋት አቅም አለው ሊባል ይችላል። የተባበሩት መንግሥታት ድርጅትን የመሰሉ ሰላም አስከባሪ ነን የሚሉ ተቋማት እንኳ የቀዩን ፈረስ ጋላቢ ማስቆም አልቻሉም።