¿Chumtuay engün chi tati puke religion?

Kom religion mu müley ñom piwkengelu ka küme piwkengechi che. Ka kiñe küme dungu taiñ kimnien ta Dio falilniefi, ka rakiduamtükuniefi fey engün. Welu, müna rume wedake dungu femgekey religion ñi duam mu (2 Korintio 4:⁠3, 4; 11:⁠13-15). Allküdungukeiñ wedake dungu radio, telefision mu, kiñeke religion koneltukey terrorismo dungu, langümkawün mu kiñeke trokiñ che, awkan (weychan), rume weda rakiduam niey engün keyü pichike che wedalkakefi engün, ka nüntuñmayewfingün. ¡Pu küme feyentulelu müna kutrankafi piwke mew! Chillkatunge Matew 24:⁠4, 5, 11, 12.

Chi rüf religion püramyeniefi Jewba, welu koyla religion lladkülkanieeyew. Feychi koylake religion kimeltukey koylake dungu Dio mu, ka chumlen pu la, ka femgechi kimeltukey tüfachi dungu tripakenolu Biblia mew. Welu Jewba ayüy tati kom pu che ñi kimal ti rüf dungu kidu mu. Chillkatunge Ezequiel 18:⁠4, ka 1 Timotew 2:⁠3-5.

Ayüwküleiñ Dio ñi eluwkenon ñi ngünenkayaetew koylake religion feypikelu “piwkeyefiyiñ Dio”, welu rüf piwkeyefi tüfachi mapu ngünenieetew Satana (Santiaw 4:⁠4). Ti Biblia üytukefi kom koylake religion “tati fütra waria Babilonia”, tüfachi üytükungey kiñe fütra kuyfi waria chew tuwi ti koylake religion, dew rupalu ti fütra mangiñko Noe ñi antü mu. Epe puwi Dio ñi apümrumeafiel feychi religion ngünenkakelu, ka wedalkamekefilu pu che. Chillkatunge Apokalipsi 17:⁠1, 2, 5, 16, 17, ka 18:⁠8.

Ka müley kümeke dungu. Jewba ngoymakelay feychi che küme piwke ngelu mülelu fillke koylake religion kom mapu püle. Kidu kimeltuafi feyti pu che ti rüf dungu mu, ka kelluafi fey engün ñi tripayal koyla religion mu. Chillkatunge Juan 6:⁠45.

Jewba rakiduamtükuniefi pu che piwkeyefilu ti rüf dungu, ka ayünielu ñi küme femal. Feymu lle feypikefi: “Tripamün tati koyla religion mu.” Rüf piwkeyefile engün Dio, ayüwayngün ñi welukünual tañi mongen mu femgechi ñi ayüwülafiel Dio. Chillkatunge Apokalipsi 18:⁠4.

Tati wünen siglo mu, pu che küme piwke ngelu allkütuñmafilu Biblia ñi kimeltun pu apostol ñi amul dunguel mew, ayüwüngechi llowi feychi dungu. Jewba kimeltukefi feychi pu che chumgechi doy küme yenieafiel tañi mongen, doy ñi ayüwkülen mu, ka küme maneluwün mu. Chumgechi femkey engün, iñchiñ müley taiñ ka femal taiñ küme llowal ti werkün wirintükulelu. Müley taiñ wünekünual Jewba taiñ mongen mu. Chillkatunge 1 Tesalonisense 1:⁠8, 9, ka 2:⁠13.

Jewba ayüwünkechi llowfi feyti elkünulu ta koylake religion, ka koneltuy ti rüf religion. Llowülmi Jewba ñi ayüfalchi mangeluwün, llowaymi ñi weniyewün Dio engu, nieaymi kiñe kristiano peñiwen ka lamgenwen tami piwkeyeaetew, ka nieaymi maneluwün tami afnochi mongeleal. ¿Ayülafuymi llowal tüfakechi kümelkan? Chillkatunge Marku 10:⁠29, 30, ka 2 Korintio 6:⁠17, 18.

Jewba apümfile ti koyla religion, müleay tüngkülen kom mapu. Ta koyla religion ngünenkawelayafi ka wüdamkawelayafi tati pu che. Itrokom pu che kiñewküleay ñi poyenieafiel ti kiñen rüf Dio. ¿Küme dungu no am ta tüfa? Chillkatunge Apokalipsi 18:⁠20, 21, ka 21:⁠3, 4.