Petu novioucülelmi quiñe che engu, ¿chem mülei tami quimafiel quisu mu? Petu tami doi piuqueyenofiel ti che, mülei tamu nütramcahual falinque dungu. ¿Chem ayüqueimu tamu femal caque quiñeque eimu? ¿Chem quelluaimu tamu doi quimuhual? Ramtucadunguhuaimu ca cüme allcütuhuaimu. Nütramcahuaimu chem mülen tamu piuque mu (Sant. 1:19). Trür femafuimu quiñeque dungu, trür iyafuimu, tripayafuimu cheu ñi miyahun caquelu che ca trür amuldunguafuimu. Tüfa quelluaimu tamu doi nütramcahual. Trahuluhuafuimu tamu pu hueni ca pu familia engün. Fillque dungu femafuimu caquerumechi che engün, femngechi doi quimafimi chumngechi chengei tami ayün. w24.05 pag. 28 parr. 6, 7

Pichiñma mu rupayaiñ cüdaungechi dungu mu, feimu duamnieiñ doi maneluhual Chau Jehová mu.Papeltuaimi fillque nütram Biblia mu ca chem ñi rupan pu peñi ca pu lamngen famülque mu. Raquiduamtucuaimi ñi rupan engün ca ngüneduamaimi chumngechi Chau Jehová quiñe fütra cura reque felei tañi pu che mu. Tüfa quelluaimu tami peafiel Chau Jehová tami fütra cura reque. Cafei doi cüme quelluafimi pu peñi ca pu lamngen trahunche mu. Quiñe ejemplo, Jesús Cefas (Pedro) pintuculelfi ta Simón, tüfa cüpa feipi cura (Juan 1:42). Femngechi Jesús pengeli Pedro ñi yafültucucheal ca ñi nehuentucuafiel ti trahunche. Tati Biblia ca feipi pu loncolelu “quiñe fütra cura ñi llaufeñ reque” feleingün, cuñiutucuquefingün pu peñi ca pu lamngen trahunche mu (Is. 32:2). Rüfcünu, com iñchiñ inayentuafuiñ ta Jehová fei nehuentucuafuiñ ti trahunche, quiñe cura reque feleafuiñ fei engün mu. w24.06 pag. 28, 29 parr. 10, 11

Israel troquiñ mapu mu, pu cümeque lonco ülmen serfiquefuingün Jehová chumngechi ñi ayüqueel. Epe com pu huesaque lonco ülmen inahuelafingün Jehová ñi huercün dungu ca püramyerpufingün coilaque dios (1 Rey. 14:25, 26; 2 Crón. 12:1). ¿Chau Jehová chumngelu am fente falintuquefui chumngechi ñi serfingeal? Quiñe dungu, pu ngünenielu Israel mu elfalcünungeingün tañi quelluafiel pu che ñi cüme serfiafiel ta Jehová. Ca dungu, pu che inanierpufilu coilaque dios, caquelu culpan dungu mu conquefuingün ca huesalcaquefuingün caquelu che (Os. 4:1, 2). Cafei pu lonco ülmen ca pu Israel che dullingefuingün tañi serfiafiel Jehová müten. Feimu inanierpufilu coilaque dios, Biblia feipi fei engün ñihuañpequefingün reque ta Jehová (Jer. 3:8, 9). Quiñe huentru cam quiñe domo ñihuañpefile tañi compañ, rume huesalcayafui ca hueñancülafui. Ca femngechi quiñe che püntütripale Jehová mu ca inanierpufile coilaque dios, ca rume huesalcayafui ca hueñancülafui ta Jehová (Deut. 4:23). w24.07 pag. 22, 23 parr. 12-15