KIMELTUN 6
¿Mülepey may kiñe maneluwün tati lachi pu che?
1. Tati pu la, ¿chem maneluwün niey?
Kiñe rupa, petu mülepalu Jesu tüfachi Mapu mu, tañi weni Lasaru lay. Tüfachi wentru mülekey Betania, kiñe pichi waria fülkülepalu Jerusalen waria mu. Akutulu Jesu, Lasaru yeniey meli antü ñi lan. Jesu kompañyeeyew Marta engu Maria, la ñi epu lamgen, amuyngün ti eltun mew, ka pichiñma wüla trawüy rume fentren che. ¿Pelleafuymi Marta ka Maria ñi ayüwkülen pefilu engu Jesu wiñomongeltufi tañi lamgen? Chillkatunge Juan 11:21-24, 38-44.
Kom kümeke dungu mülelu Biblia mu, müley ti maneluwün ñi wiñomongetual tati pu lalechi che. Marta dew kimi ta Jewba feypikünuy ñi wiño witratual tati pu la, ñi wiñomongetual tüfachi Mapu mew. Chillkatunge Job 14:14, 15.
2. Lalu che, ¿chumletukey?
Dio feypifi ta Adan: “Trufür mapu amta ngelu eymi, fey trufür mapu mew ta wiño puwtuaymi” (GÉNESIS 3:19, NM)
Kom iñchiñ dewmangeiñ “trufür mapu mew” (Génesis 2:7; 3:19). Mülelay kiñe püllü no rume ponwi iñchiñ mu. Ka chem dungu no rume amulelay ñi mongelen dew lalu iñchiñ. Lalu kiñe che, ñi müllo ka lay, ka ngoymay tañi rakiduam. Feymu lle, Lasaru feypilay kiñe dungu no rume ñi layüm, tati pu lalechi che am turpu kimwetukenolu. Chillkatunge Eclesiastés 9:5, 6, 10.
Kiñeke che feyentukey mülen kiñe kütral chew Dio kutrankakefi layüm che, welu felelay tati. Chumgechi dew kimnieiñ, tati chuchi lalu, turpu kimwetulay. Feymu lle tati kimeltun tati pu wedake che kutrankawküleal kütral mapu mu, koylangey ka weda dunguyefi Jewba. Feychi rakiduam müten Dio ünukefi kutrankangeal ta che kütral mew. Chillkatunge Jeremías 7:31.
Pefinge ti video ¿Chumleketuy pu layelu?
3. ¿Pepi dungunieafuy pu lale chi che?
Tati pu la dungukelay ka allkütukelay chem dungu no rume (Salmo 115:17). Welu kiñeke weda püllü rume weda piwke ngey, ka pepi ñi dunguafiel ta che, ka feyti chi lache reke künuwkey ñi dungun (Juda 6). Feymu lle, Jewba üdefi feychi ayülu ñi dunguafiel lachi che. Chillkatunge Deuteronomio 18:10, 11.
4. ¿Iney (iñi) engün am wiñomongetuay?
Rume fentren che dew lalu, wiñomongetuayngün tüfachi Mapu mu. Ka wiñomongetuay kiñeke kimnofilu Jewba, ka femkefuy wedake dungu. Chillkatunge Hecho 24:15.
Tati pu che wiñomongetule kimafuyngün tati rüf dungu ta Dio mu, pengelafuy ñi mupiltun, ka ñi feyentun Jesu mu (Apokalipsi 20:11, 12). Femle engün, ayüwküleayngün niele afnoachi mongen tüfachi Mapu mu. Chillkatunge Juan 5:28, 29, NM.
5. ¿Chem kimelkeeiñmew Jewba ta wiñomongetun?
Ti wiñomongetun pengeli Jewba ñi piwkeyechen ka ñi fürenechen iñchiñ taiñ elufalgenon rume. Dio rume füreneeiñmew werkülu tañi Fotüm ñi lapayal iñchiñ mu, feymu lle nieyiñ tüfachi maneluwün. Wiñomongetule tati pu la, ¿iney (iñi) am wüne ayükeymi tami peafiel? Chillkatunge Juan 3:16, ka Romanu 6:23.