¿Chumngelu am pemequefiyiñ tati pu che ñi ruca meu?

Jesús huercüfi tañi pu inanieteu: “Amumün, com chüf mapu müleyechi pu che meu. Ca quimeltuafimün femngechi tañi quimaeteu engün ca iñche ñi discipulongeal engün” (Mateo 28:19, 20). Huercüfilu tañi hunenque discipulo, cüme feipifi ñi amual engün fill ruca püle (Mateo 10:7, 11-13). Deu ñi lan Jesús, tati pu hunen cristiano eluhuingün ñi yenieal ti huercün dungu tati ‘rangi che ca fill ruca meu’ (Hechos 5:42; 20:20). Iñchiñ inayentufiyiñ tüfachi pu hunen cristiano ñi femün, ca cüme quimnieiñ taiñ pemetuafiel pu che fill ruca püle cüme amulei ñi triparpun.