Jueves 6 conchi agosto
Tüfachi huercün dungu tami feipimequefiel fachantü müte cüdaungelai eimi mu ca ditufali (Deut. 30:11).
Pu Israel che feipicünuingün tañi inayafiel Jehová tañi ley. Jehová feipicünulelfi engün inaniefilmün tañi ley, cuñiutucuhuaiñ ca cümelcahuaiñ pifi. Huelu feyentunofule engün ca püramyefule caquelu dios, Chau Ngünechen fürenehuelayafi pu Israel che ca cutrancahuaingün. Huelu ti ley ca feipi tüfa engün huiñotuafui Chau Jehová mu ca allcütuafui tañi dungun (Deut. 30:1-3, 17-20). Fei engün repentiuhuafui. Femfule, Jehová huiño hueniyeafeyu engün ca cümelcayafeyu. Pu Israel che fentren rupa caiñetufi engün ta Chau Jehová, feimu rume cutrancahuingün. Huelu Jehová amulei tañi quellunieafiel engün. Huercüquefi tañi pu profeta, fei ñi quelluafiel engün ñi repentiutual ca ñi huiñotual Jehová mu (2 Rey. 17:13, 14). w24.08 pag. 9 parr. 4, 5
Viernes 7 conchi agosto
Amultucungei ñi rume caiñetufiel tati trahunche Jerusalén mu mülelu (Hech. 8:1).
Deu lalu ta Jesús, pu hebreo cristiano mülelu Jerusalén ca Judea mu rupaingün fentren huesaque dungu mu. Feichi mu, elcünungei ti cristiano trahunche, fei pu cristiano rume caiñetungeingün. Epu mari tripantu rupalu, feitachi pu cristiano ngüñün mu rupaingün ca müna pofrelefuingün, feimu müna sufringün (Hech. 11:27-30). Huelu 61 tripantu püle, pu cristiano doi tüngcületuingün. Feichi mu, Jehová adniefi ta Pablo tañi huirintuculelafiel engün quiñe carta, femngechi pu judio pepicaucüleafuingün doi caiñetungele engün. Feitachi carta yochi cüme acui, ¿chumngelu feipiafuiñ? Pichiñma mu, apümngerqueafulu ta Jerusalén. w24.09 pag. 8 parr. 1, 2
Sabado 8 conchi agosto
Rume yafültucuqueneu engün (Col. 4:11).
Huesaque dungu mu rupaliyiñ, taiñ pu peñi ca pu lamngen mu Jehová pengelqueiñmu tunte taiñ piuqueyenieteu. Fei engün compañayafeiñmu, allcütuafeiñmu, femngechi yafültucuafeiñmu. Papeltulelafeiñmu quiñe troquiñ Biblia cam trür llellipuafuiñ (Rom. 15:4). Quiñeque taiñ pu peñi, pu lamngen, quelluafeiñmu ñi chem raquiduamquen ta Jehová, femngechi tüngcüleafuiñ. Ca femngechi yelelafeiñmu iyael taiñ yafültucuaeteu. Duamnieliyiñ ta quellu, feipiafiyiñ ta caquelu taiñ quelluaeteu (Prov. 17:17). Quiñeque mu, quimquelaingün taiñ chum duamcülen ca chem taiñ duamnieel (Prov. 14:10). Feimu feipiafimi cümeque hueni tami chum duamcülen. Feipiafimi chumngechi tami quellungeal. Cafei nütramcayafuimi quiñe cam epu loncolelu tami doi manelnieel. Quiñeque lamngen ayüquei tañi nütramcayafiel cangelu quimque lamngen. w24.10 pag. 10 parr. 15, 16