¿Duamfali ñi coneltuleal quiñe religion mu ta che?

Femi llemai, Dios ayüniei tañi trahuluual engün fei ñi püramyengeal. Biblia feipi: “Quintuaiñ chumngechi taiñ hueluconque quelluhual ca taiñ doi piuqueyehual ca taiñ femal cümeque dungu. Ca femcünuulayaiñ taiñ trahuluhual, taiñ pu peñi ca lamngen iñchiñ” (Hebreos 10:24, 25).

Jesús feipi tañi pu discipulo ñi coneltuleal quiñe trahunche mu. Feimu feipi: “Fei hueluconquechi piuqueyehulmün, com mapu meu mülechi pu che quimaingün iñche tañi discipulungen ta eimün” (Juan 13:35). Jesús tañi pu discipulo trahulumequele engün, pengelafuingün tañi hueluconque piuqueyeuquen. Feimu mülefui ñi trahuluhual engün troquiñque trahunche mu, fei ñi quiñentrür poyeafiel ta Chau Dios (1 Corintios 16:19). Com Mapu meu, quiñe troquiñ ngeafuingün müten (1 Pedro 2:17).

Duamfal-lai re coneltual quiñe religion mu, ca falin dungu duamfali

Biblia pengeli pu che ñi trahuluhual tañi püramyeafiel Chau Dios. Huelu re coneltulele quiñe religion mu, tutelayafui ta Ngünechen. Duamfali ñi pengelal chem mongen ñi yenien. Feimu Biblia nütramcalu tati lifngechi religion mu, feipi: ‘Fei tati rüfngechi feyentun dungu nienolu chem huelulcan no rume Ngünechen meu, fei tüfa lle: ñi quellungeal tati pu cuñifall ca ti pu lantu domo cutrancaucülelu ñi mongen meu, ca ñi miyaunoal mapu meu müleyechi huesaque dungu meu’ (Santiago 1:27).