Jesús tañi lan, ¿chumngechi montulqueiñmu?

Adán engu Eva inanielafi ta Chau Ngünechen, feimu iñchiñ culpafe chengetuiñ, cutrancauqueiñ ca laqueiñ.a Huelu Jehová huli tañi saquin Fotüm Jesucristo iñchiñ taiñ duam meu, femngechi montulngeafuiñ tati culpan ca tati lan meu. Biblia feipi Jesús tañi lan meu culli reque taiñ montulngeal (papeltuaimi Mateo 20:28). Jesús huli tañi culpan-ngenochi mongen taiñ lifrenentungeal taiñ culpan ca lan meu. Fei femngechi huiño nietuafuiñ com ñi ñamürpuel Adán ca Eva. Cafei Jesús tañi femün meu, pengeli tunte tañi piuqueyeniefiel tati pu che ca tunte taiñ piuqueyenieteu Jehová ta iñchiñ. Tüfachi quimeltun quelluaimu tami doi mañumcüleal Jesús tañi lan meu.

1. Famülque meu, ¿chumngechi quelluqueiñmu Jesús tañi lan?

Culpafengelu cai iñchiñ, femrumequeiñ fentren dungu ñi ayüquenoel ta Jehová. Huelu repentiutuliyiñ ca Jesús tañi üi meu ngillatufiliyiñ ta Jehová taiñ perdonayaeteu, rüf hueniyerpuafuiñ ta Jehová. Huelu falin-ngei taiñ huiño contunoal femngechi huesaque dungu meu (1 Juan 2:1). Biblia feipi: “Cristo, quiñe rupa müten lai pu norngenochi che ñi culpan meu, femngechi tamün cümelcautual Chau Ngünechen eimün” (1 Pedro 3:18).

2. Cüpalechi antü meu, ¿chumngechi cümelcayaiñmu Jesús tañi lan?

Jehová tañi duam meu, Jesús huli tañi culpan-ngenochi mongen “femngechi tuchi feyentule quisu meu, apümcangelayai. Huelu mai nieai rumel mongen” (Juan 3:16). Jesús tañi femün meu, Jehová pichiñma mu cüme elcünutuafi com tati huesaque dungu ñi rupan Adán ñi culpan meu. Feimu maneluucüleliyiñ Jesús tañi lan meu, rumel mongen nierpuafuiñ ayüfalngetule ta Mapu (Isaías 65:21-23).

DOI QUIMAIMI

3. Jesús tañi lan lifrenentutueiñmu tati culpan ca lan dungu meu

VIDEO: ¿Chumngelu lai Jesús? (Troquiñ 1) (2:01)

• Adán allcütunofilu ta Ngünechen, ¿chem ñamümi?

Papeltuaiñ Romanos 5:12, ca ngüneduamaiñ tüfachi ramtun:

• Adán tañi culpan, ¿chumngechi huesalcaqueiñmu?

Papeltuaiñ Juan 3:16, ca ngüneduamaiñ tüfachi ramtun:

• Jehová, ¿chumngelu huercüfi tañi Fotüm Mapu meu?

1. Adán culpanchengelafui, huelu allcütunofilu ta Jehová, culpai ca rulpalelfi tañi cüpanche ti culpan ca lan dungu.

2. Jesús culpanchengelafui ca allcütufi ta Chau Ngünechen, feimu tañi femün meu tati pu che culpanchengehuelayafuingün ca afnoachi mongen nierpuafuingün.

4. Jesús tañi lan mu cümelcayafui com tati pu che

VIDEO: ¿Chumngelu lai Jesús? (Troquiñ 2) (2:00)

• ¿Chumngechi quiñe huentru ñi lan mu cümelcayafui com tati pu che?

Papeltuaiñ 1 Timoteo 2:5, 6, ca ngüneduamaiñ tüfachi ramtun:

• Adán culpanchengelafui. Huelu eluulu ñi culpayal, rulpalelfi tañi cüpanche tati culpan ca lan dungu. Adán reque Jesús ca culpanchengelafui, feimu culli chem ñi duamniengeel tañi lifrenentuafiel com pu che, ¿chumngelu feipiafuimi tüfa?

5. Jehová huli tañi Fotüm tami cümelcayaeteu

Tati pu che cüme hueniyefilu ta Jehová, raquiduamqueingün Jesús lai quisu engün tañi duam meu. Taiñ doi cüme loncontucunieafiel tüfa, papeltuaiñ Gálatas 2:20, ca ngüneduamaiñ tüfachi ramtun:

• Pablo quiñe regalo quisungealu troquifi Jesús tañi lan, ¿chumngelu feipiafuiñ tüfa?

Adán culpalu larpui, huelu ca femngechi rulpalelfi tañi pu cüpanche ti lan dungu. Huelu Jehová huercüfi tañi Fotüm Mapu meu ñi lapayal iñchiñ taiñ duam meu, femngechi eimi rumel mongen nierpuafuimi.

Papeltufilmi tüfachi troquiñ Biblia, raquiduamnge ñi chum duamcülefel Jehová pefiel mu tañi Fotüm ñi cutrancaumequen. Papeltuaiñ Juan 19:1-7, 16-18, ca ngüneduamaiñ tüfachi ramtun:

• Ñi femün Jehová ca Jesús eimi meu, ¿chum duamelqueimu?

TAMI QUIMEL

Jesús tañi lan meu, Jehová perdonayafeiñmu taiñ culpan ca eluafeiñmu taiñ rumel mongeleal.

¿Chem piafuimi?

• ¿Chumngelu lai Jesús?

• ¿Chumngelu feipiafuiñ Jesús culli chem ñi duamniengeel tañi lifrenentuafiel com pu che?

• Jesús tañi lan, ¿chumngechi cümelcaqueiñmu?

CA PEAFUIMI

Quimürpunge chumngelu Jesús tañi lan meu montulqueiñmeu.

“Jesús, ¿chumngechi huli ñi mongen ‘ñi lifrenentuafiel ta com che’?” (Troquiñ internet mu)

Ngüneduamnge chem chumafuiñ taiñ montulngeal.

“¿Chumngechi montuleiñmu Jesús?” (Troquiñ internet mu)

Quiñe che fütra culpale, Jehová ¿perdonayafeyu?

“Fillque ramtun Biblia mu” (Ti Huerquen 1 mayo, 2013)

Quiñe huentru quimürpui ñi fente falin-ngen Jesús tañi lan. Pefinge tañi rupan.

“Quehuafe chengehuetulan” (Troquiñ internet mu)