• Quimafiyiñ ta Santiago, Jesús tañi peñi
    Ti Huerquen (ñi chillcatungeal) 2022 | enero

    • ÑOM PIUQUENGEAIÑ SANTIAGO REQUE

      Huiñomongetulu Jesús, peufaluutufi ta Santiago petu ñi cüdahun.

      Peufaluhueteu mu Jesús, Santiago ñom piuque mu quimtucui tañi Mesías ngen. Fei hula, Santiago cüme cristianongerpui. (Inaduamnge parrafo 5 puulu 7).

       5. Peufaluhueteu Jesús, ¿chem eluhui ñi femal Santiago?

      5 ¿Chumül am Santiago Jesús tañi discipulongerpui? Deu huiñomongetulu ta Jesús. Feichi mu Jesús “peufaluutufi ta Santiago, ca itrocom ti pu apostol” (1 Cor. 15:7). ¿Chem cümeque dungu llohui? Santiago mülerquefui tati pu apostol engün ñi llohual Chau Ngünechen ñi nehuen (Hech. 1:13, 14). Rupachi antü mu Santiago coneltui tati cuerpo gobernante mu (Hech. 15:6, 13-22; Gál. 2:9). Cafei, petu ñi puunon ti 62 tripantu, Jehová adniefi ta Santiago ñi huirintuculelafiel tati pu dullin cristiano. Famülque mu, itrocom iñchiñ quelluqueiñmu Santiago ñi carta (Sant. 1:1). Rupachi antü mu, Santiago lai. Ananías, Anás tañi fotüm, langümfaleyu. Santiago eluulu müten tañi serfiafiel Jehová, turpu püntütripalai quisu mu.