¿Raquiduam­tucufimi?

Tüfa mu mülei quiñeque ramtun tripalu Ti Huerquen 2021 tripantu mu. ¿Petu loncontucuniefimi cai ti huiñoldungun?

Ñi feipin Santiago 5:11, ¿chem quimeltuqueiñmu Jehová tañi cutranduamyechen ca cuñillchequen mu?

Quimnieiñ Jehová taiñ cutranduamyequeteu, feimu perdonaqueiñmu taiñ culpan. Santiago 5:11 ca feipi Jehová eluucülei taiñ quelluaeteu. Müna cümeafui taiñ inayentuafiel (w21.01, pagina 21).

Jehová, ¿chumngelu adcünui inei ñi loncoleal tañi familia?

Jehová fente ñi piuqueyefiel tañi familia adcünui inei ñi loncoleal, femngechi cüme adcülei tañi familia ca tüngcülequei. Femngechi felele ti familia, com engün quimaingün inei mülei ñi dullial chem chumal ca quimngeai chumngechi ñi femngeal (w21.02, pagina 3).

Nieliyiñ quiñe aplicacion ñi huercüal mensaje, ¿chumngelu mülei taiñ cuñiutucuhual?

Quiñe cristiano quimle ñi conal quiñe grupo de mensaje, cümeafui tañi cüme raquiduamal chem che coneltulei. Quiñeque mu, tüfa cüdaungefui (1 Tim. 5:13). Cafei mensaje mu feipingequei afmatufalchi noticia quimngequenolu ñi rüfngen cam ñi rüfngenon. Quiñe cristiano ca quintuafui ñi doi plata nieal taiñ pu peñi ca pu lamngen ñi duam mu. Tüfa cümelayafui (w21.03, pagina 31).

Jehová, ¿chumngelu catrütulafi ñi cutrancahual ca layal ta Jesús?

Lalu Jesús ti orcon mamüll mu, pu israelche malisiangehuelaingün, fei maneluutuafuingün ñi rumel mongeleal (Gál. 3:10, 13). Ca dungu: Jehová catrütulafi ñi cutrancahual ta Jesús, femngechi adümelfi ñi Hunen Lonco Sacerdotengerpual. ¿Ca chem dungu mu fente cutrancahui ta Jesús? Jehová ayüfui pengelcünual Huecüfü ñi coilatufengen. Felei, iñchiñ serfiquefiyiñ Jehová tunte huesaque dungu mu rume rupafuliyiñ (Job 1:9-11) (w21.04, pagina 16 ca 17).

¿Chumafuimi tami amuldungulelafiel pu che tami pequenofiel ruca mu?

Caque hora mu quintuafuimi tati pu che. Com antü cüdahuafui rume tati pu che, huelu acuquetui tañi ruca mu. Feimu feichi hora mu ta pemeafimi. Cafei, fill püle amuldunguafuimi, femngechi tami nütramcayafiel feichi pu che ñi pequenofiel ruca mu. Ca femngechi huirintuculelafuimi carta tati pu che ngequenolu ñi ruca mu (w21.05, pagina 15 ca 16).

Ti apostol Pablo, ¿chumngelu feipi ‘tati ley dungu ñi duam la reque felen tati ley dungu meu’? (Gál. 2:19).

Tati ley quimfalcünui pu che ñi culpafe chengen ca quellufi pu israelita ñi quimtucual Jesús ñi Cristongen (Gál. 3:19, 24). Tati ley quellufi ta Pablo ñi feyentuleal Jesús meu. Feimu Pablo ‘la reque felei tati ley dungu meu, fei ñi mongeletual ta Ngünechen meu’. Mai, tati ley ngüneniehuelaeyu, Chau Dios müten (w21.06, pagina 31).

Jehová, ¿chem dungu aguantalei? ¿Chem quimeltueiñmu?

Jehová aguantai fentren dungu. Quiñeque tüfa: huesa dunguyengei Jehová tañi üi, fentren che pilai ñi ngünenieaeteu Chau Dios, Jehová tañi poyequefeteu famentueyu, Huecüfü ñi coilatuquen, ñi cutrancauquen tañi pu che, ñi lan tañi pu hueni, ñi huesalcangen tañi pu che ca ñi huesalcangequen tati Mapu (w21.07, pagina 9 puulu 12).

José, ¿chemu inayentufali tañi nieel paciencia?

José huesalcaeyu tañi pu peñi, femngechi coila dalluntucungei ca presuntucungei Egipto mu. Huelu José, nehuencülequefui (w21.08, pagina 12).

Ñi feipin Ageo 2:6-9, 20-22, ¿chem feipicünungei?

Tati pu troquiñche famentuquefi ñi amuldungun Jehová ñi pu che. Caquelu che cüme llouquefi. Pichiñma mu, Jehová nengümcayafi reque tati pu che pinolu ñi allcütuaeteu, apümcayafi engün (w21.09, pagina 15 puulu 19).

¿Chumngelu fentecünulayaiñ taiñ amuldungual?

Jehová cüme ngüneduamquei chumngechi taiñ cüdauquen ca taiñ fentecünuquenon taiñ amuldungun cüdau, ayüucülei taiñ cüdau mu. Fentecünunoliyiñ taiñ amuldungun, rumel mongen nierpuaiñ (w21.10, pagina 25 ca 26).

Levítico capitulo 19, ¿chumngechi quelluqueiñmu taiñ inayal ti ngülam feipilu: “Tamün femafel, nieaimün ta cüme lif mongen”, mülelu 1 Pedro 1:15?

Tüfachi texto nüucülepelai ñi feipin ta Levítico 19:2. Ti capitulo 19 hulquei falinque ngülam, quelluaiñmu taiñ inayal ñi feipin 1 Pedro 1:15 taiñ mongen mu (w21.12, pagina 3 ca 4).