QUIMELTUN 18
¿Chumqueingün pu rüf inaniequefilu ta Jesús?
Fentren che feipiquei: “Iñche cristianongen”. Huelu feipiquelu engün rume ñi inaniequefiel ta Jesús, quiñeucülelaingün tañi feyentun meu. Cafei trürngelai chumngechi ñi yeniequeel tañi mongen engün. Feimu, ¿chumngechi quimürpuafuiñ inei engün am tati pu rüf cristiano?
1. ¿Chumquei pu rüfngechi cristiano?
Pu cristiano mülei ñi inanieafiel ta Jesús (papeltuaimi Hechos 11:26). Huelu, ¿chumqueingün pu rüf inaniequefilu ta Jesús? Jesús feipi: “Inaniefilmün ñi quimeltun, rüfcünu llemai iñche tañi pu inanieteu pingeaimün” (Juan 8:31). Feimu pu rüfngechi cristiano mülei ñi femal com ñi quimeltuqueel Jesús. Jesús quimeltuquefui ñi chem pilen Ngünechen tañi Dungu, feimu pu rüfngechi cristiano ca quimeltuqueingün ñi chem pilen Biblia (papeltuaimi Lucas 24:27).
2. Pu rüf cristiano, ¿chumngechi pengelqueingün tañi piuqueyechequen?
Jesús huercüfi tañi pu inaniequeteu: “Hueluconque piuqueyehuaimün chumngechi piuqueyehuiyiñ ta iñche” (Juan 15:12). Jesús ¿chumngechi pengeli ñi rüf piuqueyeniefiel tañi pu discipulo? Elantücünui ñi rupayal quisu engün meu, yafültucufi, quellufi ca huli ñi mongen cütu quisu engün meu (1 Juan 3:16). Jesús reque, pu rüfngechi cristiano re quimeltuquelaingün müten ñi piuqueyehual pu che, doi mai tañi femquen meu ca feipin mu pengelqueingün ñi rüf piuqueyechequen.
3. ¿Chem falin cüdau mülei ñi femal pu cristiano?
Jesús huercüfi tañi pu discipulo “ñi amuldungual Chau Ngünechen ñi ngünenietual ta mapu” (Lucas 9:2). Pu hunenque cristiano amuldunguquelafuingün pu ngillatuhue ruca meu müten, cafei fill ruca püle miyauquefuingün ca cheu ñi mülequefel fentren che (papeltuaimi Hechos 5:42; 17:17). Fantepu meu tati pu rüfngechi cristiano ca amuldunguqueingün cheu rume mülele ta che. Fente tañi piuqueyefiel mu tati pu che, elantücünuqueingün ñi quimelelafiel Biblia tañi rüf quimeltuqueel (Marcos 12:31).
DOI QUIMAIMI
Ngüneduamaiñ chumngelu pu rüfngechi cristiano trürlaingün caquelu che meu inaniequenofilu Jesús tañi quimeltuqueel.
4. Falintuqueingün Biblia ñi quimeltuqueel
Pu hunenque cristiano falintuquefuingün Ngünechen ñi Dungu.
Quiñeque che feipiquelu ñi cristianongen, müte falintuquelaingün ñi quimeltuqueel Biblia. Peaiñ ti VIDEO, ca ngüneduamaiñ tüfachi ramtun.
Quiñeque loncolechi religioso feipiquelu ñi cristianongen, ¿chumngechi catrütufingün tati pu che ñi quimürpual Jesús meu?
Jesús quimeltuquefui tati rüf dungu mülelu Biblia meu. Papeltuaiñ Juan 18:37, ca ngüneduamaiñ tüfachi ramtun:
Jesús ñi feipin meu, ¿chumquei pu rüfngechi cristiano?
5. Quimeltuchequeingün Biblia ñi rüf dungu
Pu hunenque cristiano amuldunguchequefuingün.
Jesús petu ñi huiñotunon huenu meu, elfalcünulelfi tañi pu inaniequeteu quiñe falin cüdau. Papeltuaiñ Mateo 28:19, 20 ca Hechos 1:8, fei ngüneduamaiñ tüfachi ramtun:
¿Cheu ca tunteñma mu quimelngeai Ngünechen tañi cümeque dungu?
6. Femqueingün tañi quimeltuqueel
Quiñe huentru, Tom pingelu, fente maneluucülei ñi pefiel pu rüfngechi cristiano, ¿chumngelu? Peaiñ ti VIDEO, ca ngüneduamaiñ tüfachi epu ramtun.
Tom, ¿chumngelu famentuhui tati coila religion mu?
¿Chumngelu maneluucülei ñi quimürpufiel ti rüf dungu?
Pu che tañi femqueel doi fali tañi feipiqueel meu. Papeltuaiñ Mateo 7:21, ca ngüneduamaiñ tüfachi ramtun:
Jesús, ¿chem doi falintuquei: taiñ feipiqueel cam taiñ femqueel?
7. Hueluconque piuqueyeuqueingün
Pu hunenque cristiano hueluconque piuqueyehuingün.
Pu rüfngechi cristiano, ¿eluucülepeingün mai ñi layal tañi pu peñi ca pu lamngen ñi duam meu? Peaiñ ti VIDEO, ca ngüneduamaiñ tüfachi epu ramtun.
Ti peñi Lloyd, ¿chumngelu eluucülefui ñi layal tañi peñi Johansson meu?
Ti peñi Lloyd, ¿pengelpei mai ñi rüf cristianongen?
Papeltuaiñ Juan 13:34, 35, ca ngüneduamaiñ tüfachi epu ramtun:
Pu cristiano inaniequefilu ta Jesús, ¿chumngechi mülei ñi troquiafiel tati pu che ca tuhun nielu?
Mülele aucan cam hueichan, ¿chumafui pu rüfngechi cristiano fente tañi piuqueyehun meu?
QUIÑEQUE CHE FEIPIAFEIMU: “Pu cristiano re huesaque dungu femqueingün, feimu rüf religion-ngei feipilayafuiñ”.
Ñi quimelelafiel ta quiñe che ñi chumqueel pu rüfngechi cristiano, ¿chem troquiñ Biblia pengelelafuimi?
TAMI QUIMEL
Pu rüfngechi cristiano inaniequeingün Biblia tañi feipin ca fente tañi piuqueyechen mu quelluchequeingün. Cafei quimeltuqueingün tati rüf dungu Biblia meu.
¿Chem piafuimi?
Pu rüfngechi cristiano, ¿cheu entuqueingün tañi quimeltuqueel?
Pu rüfngechi cristiano, ¿chem mu doi quimniengei?
Pu rüfngechi cristiano, ¿chem falin cüdau femqueingün?
CA PEAFUIMI
Inaduamnge ñi chumquen quiñe troquiñche ñi inanieal Jesús tañi quimeltuqueel.
Pefinge chem quellufi ta quiñe monja ñi conal Ngünechen ñi troquiñche meu.
“Biblia mu huiñoldunguquei com tañi ramtun” (Ti Huerquen 1 abril, 2014)
Ngüneduamnge ñi chumqueel pu rüfngechi cristiano ñi quelluafiel tañi pu peñi ca pu lamngen.
Quelluquefiyiñ taiñ pu peñi ca pu lamngen rupan mu huesaque dungu (pichi troquiñ) (3:57)
Pu cuifique cristiano inaniequefuingün ta Jesús. Fei ngüneduamnge chumngechi pu rüfngechi cristiano ca femngechi femqueingün famülque mu.
“¿Chumngechi quimngeafui tati pu rüfngechi cristiano?” (Ti Huerquen 1 marzo, 2012)