19 Nayajj sum yatta, Egipto apnaqer reyejj janiw khitañ munapkätamti, kunapachatï nayajj chʼamaj+ jupar uñachtʼaykä ukhakiw khitapjjätam. 20 Chʼamajampiw Egipto markar castigäjja, walja milagronakwa uka markan lurarakëjja. Ukatsti faraonajj jumanakar khitjjapjjätamwa.+

6 Ukatjja Jehová Diosajj akham sasaw Moisesar säna: “Kuntï faraonar nayajj lurkä ukjja jichhaw uñjäta.+ Jumanakar khitjjañapatakejja chʼamajampiw munkir jan munkir jupar iyawsayäjja, chʼamaj uñjasaw jupajj oraqepat alisnukjjapjjätam”+ sasa.

8 Ukatwa faraonajj Moisesampir Aaronampirojj jawsäna, akham sasaw jupanakar sarakïna: “Jehová Diosamar servir sarapjjam. Ukampis ¿khitinakas sarapjjäta?” sasa. 9 Moisesasti sarakïnwa: “Wayn tawaqonakampi, jilïrinakampi, yoqall wawanakajampi, imill wawanakajampiw sarapjjäjja. Ovejanakajsa vacanakajsa anakisipjjarakïwa.+ Nanakasti Jehová Diosatakiw mä fiesta lurapjjäjja”+ sasa. 10 Faraonajj jupanakar sarakïnwa: “Qhana amuykayawa, jumanakajj jan walinak lurañ amtasipktajja. ¿Jehová Diosajj nanakampïskiwa sasat amuyapjjta, ukatti nanakarus wawanakajarus khitapjjetaniwa sasin amuyapjjta?+ 11 ¡Janiw nayajj khitapkämati! Jumanak taypitjja chachanakakiw Jehová Diosar serviñatakejj sarapjjasma, ukjjay jumanakajj mayipjjstajja” sasa. Ukatsti Moisesampir Aaronampirojj faraonan ukatwa alisnukupjjäna.