7 Jupajj lurkäna uka idolorojj cheqpach Diosan utaparuw uchäna,+ uka utatjja Diosajj akham sasaw Davidampiru Salomón yoqapampirojj säna: “Aka utansa Israelan taqe tribunakapat ajlliskta uka Jerusalén markansa, jaya tiempotakiw sutij uchäjja.+ 8 Jupanakatejj Moisés servirijajj phoqapjjañapatak churkäna uka Ley taqpach phoqapjjani, mä arunjja leyinaksa kunanaktï nayajj Juezjam amtkta ukanaks phoqapjjani, cheqas mayitajarjam taqpach phoqapjjani ukhajja, janipuniw Israel markarojj nayra awkinakapar churkta uka oraqet mayamp alisnukkäti” sasa. 9 Manasés reyejj jan wali thakir irpasaw Judá markan jakirinakarus Jerusalenan jakirinakarus saranukuyaskäna, Jehová Diosajj israelitanakan uñjkat tukjkäna uka yaqha markanakat sipansa, Manasés kawsajj jukʼamp jan walinakwa israelitanakajj lurapjjäna.+