32 Ukhamasti Lea warmejj usurëjjänwa, mä yoqall wawa ususïna, akham sarakïnwa: “Jehová Diosaw nayan tʼaqesitaj uñtanitu,+ jichhasti esposojajj munasjjetaniwa” sasa. Ukatwa uka wawarojj Rubén*+ sutimpi uchäna.

3 ”Rubén,+ jumajj jilïr wawajätawa,+ jumaw chʼamajätasa nayrïr wawajätasa. Suma uñjatäñatakis chʼamanïñatakis jumaw wali jilanktajja. 4 Jawir umar uñtasita jan saytʼatam laykojja janiw jumajj jilankkätati. Awkiman esposapampi ikintasitam laykojja, janiw jumajj jilanakamat sipansa jilankkätati.+ Uka tiemponjja jumajj nayan ikiñajwa qʼañuchtajja. ¡Jupan luratapajj janipuniw walïkiti!