11 Ukatjja Moisesajj akham sasaw Israel marka laykojj Jehová Diosapar ruwtʼäna:+ “Jehová Dios Tata, jumaw markamarojj jachʼa chʼamamampi, milagronak lurasa Egipto markat irpsuntajja, ¿kunatarak markam contrajj colerastasti? ¿Kunatarak jichhajj jupanakar tʼunjañ muntasti?+

9 Samuelusti mä ovej qallu katusajj Jehová Diosaruw nakhantayat ofrendjam loqtäna.+ Ukatjja Samuelojj Jehová Diosaruw israelitanakar yanaptʼañapatak oración luräna, Jehová Diosasti oracionap istʼarakïnwa.+