Zacarías

8 Nayajj mayampiw ejercitonakan Jehová Diosapan arunakap katoqayäta, jupajj akham sitänwa: 2 “Ejercitonakan Jehová Diosapajj akham siwa: ‘Sionarojj arjjatäwa,* jïsa, taqe chuymaw arjjatäjja,+ wali colerataw arjjatarakëjja’ sasa”.

3 “Jehová Diosajj akham siwa: ‘Sionaruw nayajj kuttʼäjja,+ Jerusalenanwa jakarakëjja,+ Jerusalenajj confiykañ marka* satäniwa,+ ejercitonakan Jehová Diosapan qollupajj sagrado qollu satarakïniwa’+ sasa”.

4 “Ejercitonakan Jehová Diosapajj akham siwa: ‘Jilïr chachanakasa jilïr warminakasa wasitatwa Jerusalén markan plazanakapan qontʼasipjjani, jilïrëjjapjjatap laykojja sapa mayniw thujrus kattʼasit qontʼasipjjani.+ 5 Markan plazanakapanjja jiskʼa yoqall wawanakasa jiskʼa imill wawanakas phoqapuniw anatasipjjani’+ sasa”.

6 “Ejercitonakan Jehová Diosapajj akham siwa: ‘Aka markat jiltʼirinakatakejj kunatï uka urunakan wali chʼamjamäkani ukajja, ¿nayatakejj wali chʼamäñaparakiti?’ siw ejercitonakan Jehová Diosapajja”.

7 “Ejercitonakan Jehová Diosapajj akham siwa: ‘Markajarojja inti jalsu toqenkir oraqenakata ukhamarak inti jalanta toqenkir oraqenakat irpsunisaw salväjja.+ 8 Nayasti jupanakarojj Jerusalenaruw irpanëjja, ukanwa jupanakajj jakapjjarakini,+ nayan markajäpjjarakiniwa, nayasti jupanakan jan jaytjasiri cheqapar uñjiri* Diosaparakïyäwa’+ sasa”.

9 “Ejercitonakan Jehová Diosapajj akham siwa: ‘Khitinakatï profetanakan aka arunakap+ jichhajj istʼapkta ukanakajj jan ajjsarapjjamti,+ ejercitonakan Jehová Diosapan utapan cimientonakapajj uchaskäna uka urunjja uka pachpa arunakwa jupanakajj arsupjjäna. 10 Uka nayrajja jaqenakas uywanakas janiw kuna pagsa trabajopat katoqapjjerïkänti,+ enemigonak kawsajja janirakiw sarañas jutañas segurökänti, kuna laykutejj nayaw taqe jaqenakarojj jupanakkam enemigor tukuyayäta’ sasa.

11 ”Ejercitonakan Jehová Diosapajj akham siwa: ‘Aka markat jiltʼirinakarojja janiw nayrjamajj uñj-jjäti.+ 12 Kuna laykutejj sumankañan jathapaw satantatäni, uvas yapojj achoqaniwa, oraqes achoqarakiniwa,+ alajjpachanakat sulljjataniniwa, aka markat jiltʼirinakarojja taqe ukanakwa herenciat churäjja.+ 13 Judá markankir jaqenaka, Israel markankir jaqenaka, kunjamtï jumanakajj markanak taypin maldicionar tukupkayätajja,+ ukhamarakiw jumanakajj mä bendicionar tukupjjäta,+ kuna laykutejj nayaw jumanakarojj salvapjjäma. ¡Jan ajjsarapjjamti!+ Chʼamani saytʼasipjjam’+ sasa.

14 ”Ejercitonakan Jehová Diosapajj akham siwa: ‘“Nayra awkinakamajj nayar colerayapjjatap laykojja jumanakjjar mä jan waltʼäwi apayaniñwa nayajj amtayäta, uka amtaj-jja janiw mayjtʼaykayätti,+ siw ejercitonakan Jehová Diosapajja, 15 ukampis jichhajj Jerusalenarusa Judá markankir jaqenakarusa sum uñjañatakiw amtawayta.+ ¡Jan ajjsarapjjamti!”+ sasa’.

16 ”‘Akanakwa jumanakajj lurapjjañama: maynit maynikamajj cheq parlapjjañama,+ kunapachatï jumanakajj punkunakaman juzgapjjäta ukhajja, cheqwa parlapjjañama, jaqenakan sumankapjjañapatakiw yanaptʼapjjañamaraki.+ 17 Chuymanakamanjja jan jumanakkamajj jan walinak lurasiñ amtapjjamti,+ janirak falso juramentsa lurapjjamti,*+ kuna laykutejj taqe ukanakjja nayajj uñistwa’+ siw Jehová Diosajja”.

18 Mayampiw ejercitonakan Jehová Diosapan arunakap katoqayäta, jupajj akham sitänwa: 19 “Ejercitonakan Jehová Diosapajj akham siwa: ‘Pusïr phajjsin+ apaski uka ayunosa, phesqëri phajjsin+ apaski uka ayunosa, paqallqöri phajjsin+ apaski uka ayunosa, tunkïri phajjsin+ apaski uka ayunosa Judá markankir jaqenakatakejj wali kusisiña ukhamarak kʼuchisiña urunakäniwa, kusisiña fiestanakarakïniwa.+ Ukhamasti kunatï cheqäki ukarusa sumankañarusa munasipjjam’ sasa.

20 ”Ejercitonakan Jehová Diosapajj akham siwa: ‘Kunapachatï markanakasa walja markanakan jaqenakapasa jutapkani uka urojj purininiwa, 21 mä markan jaqenakapajj sarasaw yaqha markankir jaqenakarojj akham sapjjani: “¡Sarapjjañäni! Jehová Diosar ruwtʼasinipjjañäni, ukhamat jupamp suma uñjatäñataki, ejercitonakan Jehová Diosapar thaqanipjjañäni. Nanakas sarapjjarakïwa”+ sasa. 22 Ejercitonakan Jehová Diosaparojj walja markanakampi wali chʼamani markanakampiw Jerusalenan thaqer jutapjjani,+ Jehová Diosampi suma uñjatäñatak ruwtʼasiñatakiw jutapjjani’ sasa.

23 ”Ejercitonakan Jehová Diosapajj akham siwa: ‘Uka urunakanjja, kunayman arunak* parlir markanakat+ jutiri 10 chachanakaw mä judío jaqen* isipat* katthapisipjjani, akham sapjjarakiniwa: “Jumanakampiw nanakajj sarañ munapjjta,+ kuna laykutejj Diosajj jumanakampïskatapwa nanakajj istʼapjjta”+ sasa’”.