Salmos

127 Jehová Diosatï mä uta jan lurkaspa ukhajja,

uta luririnakan wal trabajipjjatapajj inamayakïspawa.+

Jehová Diosatï mä markar jan jarkʼaqkaspa ukhajja,+

guardian jan ikjas uñnaqatapajj inamayakïspawa.

 2 Jumanakan alwat sartapjjatamajj inamayakïspawa,

arumkam uñnaqapjjatamas inamayakïspawa,

manqʼañanak jikjjatañatak wal trabajipjjatamas inamayakïspawa,

kuna laykutejj Diosaw khitinakarutï munaski ukanakarojj sum uñji, sum iktʼayaraki.+

 3 Wawanakajj* Jehová Diosan mä herenciapawa,+

nasiri wawanakajj Diosan mä regalopawa.+

 4 Mä chachan* wawanakapajja,

chʼamani jaqen amparapankir flechanakar uñtasitäpjjewa.+

Jupanakajj* janiw phenqʼachat uñjasipkaniti,

kuna laykutejj markan punkupanwa wawanakapajj enemigonakampi parlapjjani.