Salmos

137 Babilonia+ markankir jawiranak jakʼanwa qontʼasiyätanjja,

Sionat amtasisaw jacharakiyätanjja.+

 2 Babilonia marka taypin utjkäna uka álamo qoqanakanwa*

arpanakas warktʼayätanjja.+

 3 Preso katuntapkistäna ukanakajj mä canción cantañasatakiw mayipjjestäna,+

kusistʼañ munasaw akham sasin jiwasat burlasipjjäna:

 4 ¿Kunjamarak yaqha markankkasajj

Jehová Diosar mä canción cantsnasti?

 5 Jerusalén marka, nayatï jumat armasï ukhajja,

kupi amparajajj jan kunatak servir tukpan.*+

 6 Nayatï jumat jan amtaskä,

nayatï taqe kunat sipansa

Jerusalén markat jan sint kusiskä ukhajja,+

lajjrajajj lakajar lipʼkatpan.

 7 Jehová Dios Tata, amtasim,

Jerusalén markajj tukjatäkäna ukhajj kuntï edomitanakajj sapkäna uk amtasim, jupanakajj akham sapjjänwa:

 8 Babilonia markan phuchapa, niya tukjatäkani uka markan phuchapa,+

kunjamtï nanakar lurapkista+

ukham lurkarakïtam ukajj kusisitäniwa.

 9 Khititï wawanakamar katuntkani,

qarqanakar* jaqtʼasin jiwaykarakini ukajja kusisitäniwa.+