Diosan Reinopan jathap phawañäni

1. Jutapxam, Diosar yupaychiri,

Diosar katuyatanaka.

Cristot yatiqasipxañäni,

luräwip phuqañataki.

Chiqa yatichäwxa phawañasaw

suma chuymaninakarux.

Taqi chuymasampi yatiyatasax

Jehová Diosaruw jachʼañchani.

2. Qalar uñtasit chuymaruwa

yaqhipa jathax purini.

Ukhaw kunjam amtanïpxisa

ukax yatisirakini.

Ukat akapach munañanakaw

yaqhipar aynachtʼayani.

Ukat yaqhip jathanakax wali qhan

suma chuymanakan jiltani.

3. Chʼamachasitasarjamawa

irnaqatasax utjani.

Munasiñanïñaw wakisi,

llampʼu chuymanïñaraki.

Qhana arumpis, sumat parlasas,

taqinir yanaptʼañasaw.

Waljaw cosechax utjanix, yaqhipax

patakarus mirtarakiniw.