BIBLIA TOQET JISKTʼANAKA

Diosajj janiw Supayarojj lurkänti. Antisas mä angelaruw luräna ukat qhepatjja, uka angelaw Diablor jan ukajj Supayar tukjjäna. Qalltanjja, Supayajj janiw jichhjam kʼarïkänti ni jaqe jiwayirïkänsa, ukhamwa Bibliajj amuyayistu. Supayajja, Diosan alajjpachankir wawanakap taypinkarakïnwa, mä arunjja Diosan cheqap angelaparakïnwa. (Ezequiel 28:15 liytʼäta.)

Supayar tukki uka angelajja, Dios contraw saytʼjjäna ukat Adanampir Evampiruw jupamp chika Dios contra saytʼapjjañapatak wiytäna. Ukat jupa pachparakiw Supayar tukuwayi, uka sutejj “kutkatasiri” sañwa muni. (Génesis 3:1-5 ukat Apocalipsis 12:9 liytʼäta.)

Supayar tukjje uka angelajja, mayni angelanakjamarakiw jupa pachpa kunatï walïki ukat jan walïki uk ajlliñapäna. Ukampis jupajj chuymapanjja, yupaychayasiñ wal munäna. Ukat Diosar istʼañat sipansa, yupaychayasiñwa jukʼamp munjjäna. (Mateo 4:8, 9 ukat Santiago 1:13, 14 liytʼäta.)

¿Kunjamsa Supayajj jaqenakar jupjamäpjjañapatak wiyti? ¿Supayarojj ajjsarañasäspati? Uka jisktʼanakan qhanañchäwipjja Biblianwa jikjjatäta.