Jisktʼäwinaka

◼ Mä kullakatï uta punkun mä jilata jakʼan Bibliat yateqerir yatichani ukhajja, ¿pʼeqep chʼoqtʼasiñapati?

Kawkïri kullakatï mä wakichäwirjam mä jilata jakʼan Bibliat yateqerir yatichani ukhajja, pʼeqepjja chʼoqtʼasiñapawa (1 Cor. 11:3-10). La Atalaya julio 15, 2002 revistan 27 janapan akham siwa: ‘Niyakejjay Bibliat yatichañatakejj mä wakichäwirjam luraschejja, yatichki ukajj tamanjamwa sarayaski. Ukhamajj mä kullakatï bautisat jilat jakʼan Bibliat yatichani ukhajja, pʼeqep chʼoqtʼasiñapawa’ sasa. Ukhamajj mä kullakatï uta manqhansa, uta punkunsa jan ukajj yaqha cheqans mä jilat jakʼan Bibliat yatichani ukhajja, pʼeqep chʼoqtʼasiñapawa.

Ukampis janïr Bibliat mä yateqerïkchi ukhajja, kullakajj janiw pʼeqep chʼoqtʼasiñapajja wakiskiti. Ukat kunjamsa Bibliat yatjjatasi uk uñachtʼayir sarani jan ukajj Bibliat yatichañatak qellqatat qhanañchtʼañatak kuttʼani ukhasa, janiw pʼeqep chʼoqtʼasiñapajj wakiskiti. Kunapachatï maynirojj Bibliat punkupan yatichtan ukhajja, jukʼat jukʼata ukat walja kuti kutʼtan ukhaw Bibliat mä yateqerëjje, ukhamajj kunapachas mä kullakajj pʼeqep chʼoqtʼasiñapa uk jilat kullakanakajj sum amuyapjjañapa.