¿Jesusar arkañatakejj kunanaksa lurañasa?

9:62

Oraq qhollirejja, sukanak sum lurañatakejj janiw qhepajjar uñtañapäkänti. Cristianonakajj janirakiw kunanaktï Diosar serviñ layku jaytawayktan ukanak amtasajj qhepar uñtañasäkiti (Flp 3:13).

Jan waltʼäwinakan uñjasisajja, Jehová Diosar janïr uñtʼkasajj kunjamsa jakasiyätan ukwa amtsna. Ukanakat sint lupʼsna ukhajja, nayra jakäwisajj wali sumäkaspänsa, janis kuna jan waltʼäwinakas utjkaspäna ukhamwa amuysna. Israelitanakajj ukhamarakwa Egiptot wal lupʼipjjäna (Nú 11:5, 6). Nayra jakäwisat sint lupʼsna ukhajja, mayampiw ukham jakasiñ munsna. Ukhamajj ukat lupʼiñat sipansa, kuna bendicionanaksa jichhürunakan katoqktan, jutïrinsa katoqkarakiñäni ukanakatwa lupʼiñasa (2Co 4:16-18).