¿Jumajj amttati?

¿2022 maran mistkäna uka Yatiyañataki sat revistanak liytʼawaytati? Ukhamächi ukhajja, aka jisktʼanakar qhanañchtʼam:

¿Kunjamsa Jehová Diosamp parltʼasiñataki, jupar istʼañataki, jupat lupʼiñataki tiempo apstʼasiñajj yanaptʼistu?

Suma amtanakar puriñataki, suma yatichirïñataki, Jehová Diosar jukʼamp confiyañataki, jupar jukʼamp munasiñatakiw yanaptʼistu (w22.01, páginas 30, 31).

¿Kunatsa Jehová Diosarusa markapan irpapki ukanakarus confiyañ yateqañasa?

Jichhaw kunjamsa Jehová Diosajj taqe kuns luri ukar jukʼamp confiyañ yateqañasa. Ancianonakajj amtapki ukatsa churapkistu uka instruccionanakatsa jan payachasktan ukhaw confiytanjja. Jachʼa tʼaqesiñ tiempon katoqkañäni uka instruccionanakajj janis walïkaspa, janis yanaptʼkistaspa ukham inas amuychiñäni, ukampis istʼañatakejj wakichtʼatäñäniwa (w22.02, páginas 4-6).

¿Kunatsa mä angelajj “Zorobabel chachan [gobernador judion] amparapanwa mä plomada uñjapjjarakini” sasin Zacariasar säna? (Zac. 4:8-10).

Uka visionampejja, machaq templojj janis Salomonan templopjamäkchinejja, templojj lurañ tukuyasiniwa, Jehová Diosan munañaparjamarakïniwa sasaw Diosan markaparojj qhanañchasïna (w22.03, páginas 16, 17).

¿Parlatasan yateqaskayäñatakejj kunsa lurañasa? (1 Tim. 4:12).

Predicacionan munasiñampi respetompiw parlañasa, tantachäwinakan taqe chuymaw cantañasa, comentarionak arstʼañasapuniwa, kunatï cheqäki ukpunwa parlañasa, parlatasajj chʼamañchtʼkirïñapawa, usuchjir arunak apanukuñasawa (w22.04, páginas 6-9).

¿Kunatsa Apocalipsis 13:1, 2 texton parlki uka salvaje animalampi Daniel capítulo 7 ukan parlki uka pusi jachʼa animalanakampejj (gobiernonakampejj) pachpakïpjje?

Apocalipsis capítulo 13 ukan parlki uka salvaje animalajj janiw mä sapa gobiernomp saskiti, Roma markataksa parlkaspa ukhama. Jan ukasti taqe uka gobiernonakamp sasiwa (w22.05, página 9).

¿Kunjamatsa Jehová Diosajj cheqapar uñjirïtapar confiyatas uñachtʼaysna?

Mä toqetjja, maynitï chuym ustʼaychistu, insultchistu, jan ukajj jiwas contra juch lurchi ukhajja, colerasiñanaksa chuyma ustʼayasiñanaksa apanukuñatakiw chʼamachasiñasa, ukatjja Jehová Diosan amparaparuw taqe kuns jaytjjañasa. Jupaw kunanaktï juchajj utjayki taqe ukanak askichjjani (w22.06, páginas 10, 11).

¿Kunsa mä jilatajj tantachäwin oración lurkasajj amtañapa?

Oracionanakajj janiw congregacionar ewjjsuñatakïkiti ni yatiyäwinak yatiyañatakïkisa. Jukʼampis tantachäwi qalltaw oracionan “walja arunak” jan arsuñapäkiti (Mat. 6:7) (w22.07, páginas 24, 25).

“Jan walinak lurapki ukanakajj” ¿kunjamsa ‘juzgatäñatak jaktanipjjani’? (Juan 5:29).

Jupanakajj janiw kunanaktï nayrajj lurapkäna ukarjamajj juzgatäpkaniti. Jan ukasti, jaktanisajj kunjam chuymanïpjjanisa kunjamsa sarnaqapjjani ukarjamaw luräwinakapajj uñakipasini (w22.09, página 18).

Septiembre de 1922 maran ¿kuna kusiskañ yatiyäwsa Joseph Rutherford jilatajj yatiyäna?

Cedar Point (Ohio, Estados Unidos) markan apaskäna uka asambleanjja, jilatajj akham sänwa: “¡Uñjapjjam, Reyejj apnaqjjewa! Jumanakaw yatiyirinakapäpjjtajja, ukhamajj Reyitsa Reinopatsa yatiyapjjam, yatiyapjjam, yatiyapjjam” sasa (w22.10, páginas 3-5).

Isaías capítulo 30 uka textorjamajja, ¿kunjamanakatsa Diosajj aguantañatak yanaptʼistu?

Uka capitulonjja, aka kimsa toqenakatwa parli: 1) Jehová Diosajj wali atencionampiw oracionanakas istʼistu, jaysarakistuwa, 2) Jehová Diosajj irpistuwa, 3) Jehová Diosajj jichha tiempon bendisistuwa, jutïrins bendisirakistaniwa (w22.11, página 9).

¿Kunatsa Salmo 37:10, 11, 29 qellqatajj nayra tiempon phoqasïnwa jutïrins phoqasirakiniwa sissna?

Davidan arunakapajj kunja sumas Israel markajj jakasïna ukwa qhanañchistu, Salomón reyejj apnaqkäna ukhas ukhamwa jakasipjjäna. Jutïrin utjkani uka Paraisot parlkasinjja, Jesusajj Salmo 37:11 qellqatatwa aytäna (Mat. 5:5; Luc. 23:43) (w22.12, páginas 8-10, 14).