4. Jan wali vicionak apanukum

Jumatï cigarro fumañaru, medicamentonakamp qolljasiñaru jan ukajj droganakamp qolljasiñar yatintatästajja, uka vicionak apanukuñajj kunja chʼamasa uk yatpachätawa. Ukampis ukanakajj kunjamsa vidamar jan waltʼayaski uk amuytʼañaw ukanak apanukuñatakejj yanaptʼiristam. Mateo 22:37-39 liytʼasajja aka toqetwa parltʼapjjäta:

• Cigarro fumasasa droganakampi qolljasisasa, ¿Jehová Diosampejj sum apasiskaksnati?

• Cigarro fumañasa droganakampi qolljasiñasa, ¿kunjamsa familiaranakasarusa yaqhanakarus jan waltʼayaspa?

Mä jan wali vicio apanukuñatakejj kunanaksa lurasma uka toqet pienstʼam.a VIDEO uñtapjjäta.

VIDEO: Munañasamp jan apnaqayasiñäniti (2:47)

Filipenses 4:13 liytʼasajja aka toqetwa parltʼapjjäta:

• Sapa kuti orasiñasa, Bibliat yatjjatañasa, tantachäwinakar sarañasa, ¿maynirojj vicionak apanukuñatakejj yanaptʼaspati? ¿Kunatsa ukham amuyta?

5. Jan walinak jan lurañataki, amuyumansa qʼomäñatak chʼamachasim

Colosenses 3:5 liytʼasajja aka toqetwa parltʼapjjäta:

• Pornografía uñchʼukiñasa, masturbasiñasa, sexteo ukasab Jehová Diosatakejj qʼañu luräwinakawa sasin ¿kunatsa sissna?

• ¿Jehová Diosan qʼom sarnaqañ mayitapajj jumatakejj walikïskiti? ¿Kunatsa ukham amuyta?

Kunjamsa qʼañu amuyunak apanukusma uk yatjjatam. VIDEO uñtapjjäta.

VIDEO: Amuyusajj qʼomäñapatak chʼamachasiñäni (1:51)

Qʼom sarnaqañatakejja kunsa jankʼaki, jan pächasis lurañasa ukwa Jesusajj mä uñachtʼäwimp yatichawayi. Mateo 5:29, 30 liytʼasajja aka toqetwa parltʼapjjäta:

• Jesusajj janiw jiwaspachpa usuchjasiñat parlkänti, jan ukajj kunsa jiwasajj jankʼak lurañasa uka toqetwa parlaskäna. ¿Qʼañu amuyunak pʼeqesar jan mantañapatakejj kunsa lurañasa?c

Jumatï qʼañu amuyunak apanukuñatak chʼamachasiskta ukhajja, Jehová Diosajj ukham chʼamachasitam wali valoranitwa uñji. Salmo 103:13, 14 liytʼasajja aka toqetwa parltʼapjjäta:

• Jumatï mä jan wali vicio apanukuñatak chʼamachasisksta ukhajja, ¿uka versiculonakajj chʼamachasiskakiñamatak yanaptʼiristamti? ¿Kunatsa ukham amuyta?

¡Jan qarjtamti! Jan wali vicionak apanukuñatak chʼamachasiskakim

“Wasitampiw jan walir purtʼasta, janiw chʼamachasiñajajj wakisjjaspati” sasin amuyañajj facilakïspawa. Ukampis aka toqet amuytʼam: mä tʼijurejj lanktʼasisin jaqoski ukhajja, janiw tʼijüwin pierdkaspas ukhamäkiti, janirakiw qalltatpach mayamp tʼijtañapas wakiskaspa ukhamäkiti. Jumatï mä vicio apanukuñatak chʼamachaskasajj mayamp uka jan walir purtʼassta ukhajja, mayamp sartasisajj chʼamachasiskakiñamawa. Janiw inamayas chʼamachasiwaykasma ukham amuyañamäkiti, pantjasiñajj utjapuniwa. Ukhamajj jan qarjtamti, Jehová Diosan yanaptʼapampejja vicionaksa jan walinaksa apanukusmawa.

6. Alcoholani umañanakat jitheqtam

VIDEO: Janiw nayrjam jakañ munjjayätti (6:32)

• Dimitri chacharojja, ¿kunjam jaqerus alcohol umañajj tukuyirïna?

• ¿Alcohol umañ jaytañ amtasajj janit mayampis umjjäna?

• ¿Kunjamsa alcohol umañ jaytäna?

1 Corintios 6:10, 11 liytʼasajja aka toqetwa parltʼapjjäta:

• ¿Machjasiñajj sinti jan walipuniti? ¿Kunatsa ukham amuyta?

• ¿Machiri mä jaqejj cambiaspawa sasajj kunatsa sissna?

Mateo 5:30 liytʼasajja aka toqetwa parltʼapjjäta:

• Jesusajj ampar khuchoqasiñat parläna ukhajja, Diosamp katoqatäñatakejj sacrificionakwa lurañasa sañ munaskäna. Jumatï alcohol umañ jaytañatak chʼamachasisksta ukhajja, ¿kunanaksa lurasma?a

1 Corintios 15:33 liytʼasajja aka toqetwa parltʼapjjäta:

• ¿Machiri jaqenakampi chikachasiñajj kunarus purtʼasiyiristamjja?