“Amuyasipjjapunim”

25:1-12

Jesusajj 10 virgen tawaqonakat ajllit cristianonakarus parlkchïnjja, taqeniruw ukajj yanaptʼistaspa (w15 15/3 págs. 12-16). “Amuyasipjjapunim. Kuna urünisa kuna horasänisa ukjja janiw yatipktati” (Mt 25:13). ¿Kunsa Jesusajj yatichañ munäna uk qhanañchtʼasmati?

• Casarasir wayna (v. 1): Jesús.

• Amuytʼasiri jan ukajj wakichtʼat suyir virgen tawaqonaka (v. 2): Lurañanakap sum phoqañatak wakichtʼat ajllit cristianonaka, jupanakajj mä qhanar uñtataw akapachan tukusiñapkam qhanapjje (Flp 2:15).

• Jachʼat akham säna: “Casarasir waynajj akankjjewa” (v. 6): Jesusajj kuttʼaniñapäkäna uka tiempo.

• Jan amuytʼasir virgen tawaqonaka (v. 8): Casarasir waynar katoqer sarapkäna uka ajllit cristianonaka, ukampis jupanakajj janiw wakichtʼatäpkänti Diosatsa jitheqtapjjänwa.

• Amuytʼasiri tawaqonakajj janiw aceite churañ munapkänti (v. 9): Ajllit cristianonakajj qhep qhepa sello katoqapjjani ukhajja, Diosat jitheqtapkäna uka ajllit cristianonakarojj janiw yanaptʼjjapjjaniti.

• “Casarasir waynajj purinïna” (v. 10): Jesusajja, juzgañataki ukhamarak juchañchañatakiw wali tʼaqesiñ tiempojj tukuykani ukhajj purinini.

• Wakichatäpkäna uka virgen tawaqonakajj Casarasir waynampiw casarasïwi jachʼa manqʼäwir mantapjjäna. Punkus llawintasjjarakïnwa (v. 10): Jesusajja Diosat jan jitheqtir ajllit cristianonakarojj alajjpachanwa tantachthapini, ukampis Diosat jitheqtirinakarojj janiw katoqkaniti.