Chuymatpach wal munasipxam

1. Chuymatpach munasiñasaw,

chiqa munasiñax ukaw.

Jilatarus kullakarus

wal munasiñasaw.

Diosasax munasiñapatx

taqi kunan yanaptʼistux.

Jupjam chuymanïpxañasaw,

sinttʼasirïñasaw.

Arumpis luratampis

khuyaptʼayapxapuniñasaw.

Pisinkirinakarus

mäkiw yanaptʼañasax.

Mä cristianon pantjasitap

yaqhanakar parlasiñax

jan waliruw apistaspax.

Respetasipxañasaw,

mayakirakïñasaw.

2. Chuymatpach munasitasatx

pampachasirïpxañasaw.

Jil kullakanakasarus

confiyasiñasaw.

Taqinis sumankañasaw

walpun munasipxañasax.

Chʼamachtʼasiñasatakis

tantachasiñasaw.

Juchan jaqïtas laykux

jan amuyasaw chuym ustʼaysnax.

Diosan luqtiriparux

sum uñjañasarakiw.

Jil kullakanakasampix

mä wawakiw jakañasax,

munasiñax qhanäñapaw.

Awkisat yatiqasax

munasirïpxañäniy.