JUKʼAMP YATJJATAÑATAKI RECUADRO 16B
Llakisiña, ayqoña, marca uchaña, tukjaña: ¿kunapachasa ukat kunjamas ukanakajj pasani?
Ezequiel 9 capitulon qellqatäki uka visionajj jichhürunakan phoqasirakiwa. Kunjamsa uka profecianakajj phoqasini uk yatjjatañajja, akapachajj tukjatäkani ukatak wakichtʼatäñatakiw yanaptʼistani
Llakisiña, ayqoña
¿KUNAPACHAS PHOQASINI? Qhepa urunakana, jachʼa tʼaqesiñ tiempon janïr qalltkipana
¿KUNJAMAS PHOQASINI? Suma chuyman jaqenakajja, arunakapampi luratanakapampiw akapachan utjki uka jan walinak uñisipjjatap uñachtʼayapjje. Diosan arupat yatiyktan ukarus istʼapjjewa; Cristot yateqasisaw machaq jaqëñampi isthapisipjje; Diosaruw jakäwip katuyasipjje, bautisasipjjarakiwa; ajllitanakarus taqe chuymaw yanaptʼapjje
Marca uchaña
¿KUNAPACHAS PHOQASINI? Jachʼa tʼaqesiñ tiempona
¿KUNJAMAS PHOQASINI? Secretarion tinta apnaqañ cajitapanïki uka chachajj Jesucristomp sasiwa, jupajj oraqpachankir markanakar juzgañatakiw jutani. Walja jaqenakjam uñtʼatäpki ukanakarojj ovejanakäpkaspas ukhamaw marcasini, ukhamatwa Armagedonan salvasipjjani
Tukjaña
¿KUNAPACHAS PHOQASINI? Armagedonana
¿KUNJAMAS PHOQASINI? Jesucristompi alajjpachankir ejercitonakapampi, mä arunjja angelanakampi 144.000 ajllit cristianonakampiw aka jan wali pachar tukjapjjani. Ukampis Diosan taqe chuyma servirinakaparojj salvapjjaniwa, machaq mundor mantapjjañapatakiw yanaptʼapjjarakini