Тәблиғә јахшы һазырлашсаныз, инсанларла сөһбәт етмәк сизә даһа раһат олаҹаг. Иса шаҝирдләрини тәблиғә ҝөндәрмәздән әввәл онлары һазырламышды (Лука 10:1—11). Онлар да тәблиғдә оланда Исанын өјрәтдикләринә ујғун давранмышдылар. Бунун сајәсиндә јахшы нәтиҹәләр әлдә едиб севинҹ дујмушдулар. Бәс хидмәтә неҹә һазырлаша биләрик? Әввәлҹә дүшүнүн ҝөрүн нә һагда данышмаг истәјирсиниз вә буну өз сөзүнүзлә неҹә ифадә едә биләрсиниз. Һәмчинин даһа бир шејә габагҹадан һазырлашмаг јахшы оларды. Мәсәлән, әразиниздәки инсанлар адәтән мүждәјә неҹә реаксија верир? Ики-үч вәзијјәти тәсәввүрүнүздә ҹанландырын вә онлара неҹә ҹаваб верәҹәјинизи дүшүнүн. Инсана јахынлашанда раһат олун, ҝүлүмсәјин вә меһрибан данышын. w24.04 с. 16, абз. 6, 7

Инсанлара хош мүждәни тәблиғ етмәјимизин башлыҹа сәбәби Јеһованы вә Онун мүгәддәс адыны севмәјимиздир. Биз хидмәтимизә севдијимиз Аллаһы мәдһ етмәјин бир јолу кими бахырыг. Бүтүн гәлбимизлә дејирик: «Аллаһымыз Јеһова, Сән шана, шәрәфә, гүдрәтә лајигсән!» Аллаһымызын шана вә шәрәфә лајиг олдуғуну неҹә ҝөстәририк? Јеһованын «һәр шејин јараданы» олдуғуну, Онун сајәсиндә мөвҹуд олдуғумузу инсанлара данышмагла вә буна даир сүбутлар ҝәтирмәклә. Бәс Онун гүдрәтә лајиг олдуғуну неҹә ҝөстәририк? Имканымызын јол вердији гәдәр вахтымызы, ҝүҹүмүзү вә вәсаитләримизи тәблиғ ишинә сәрф етмәклә (Мәт. 6:33; Лука 13:24; Кол. 3:23). Садә сөзлә десәк, биз Аллаһымыз барәдә данышмағы севирик, һәмчинин инсанлара Онун адыны вә хүсусијјәтләрини ачыгламағы өзүмүзә борҹ билирик. w24.05 с. 17, абз. 11

Јеһова Она ибадәт едән инсанлары мүкафатландырыр. О, индинин өзүндә бизә гәлб раһатлығы верир вә һәјатдан мәмнунлуг дујмағымыз үчүн чохлу немәтләр бәхш едир, ҝәләҹәкдә исә әбәди һәјат верәҹәк. Тамамилә етибар едирик ки, Јеһова бизә мүкафат вермәк истәјир вә буну етмәјә гадирдир. Биздә бу әминлик олдуғу үчүн Јеһованын кечмишдәки хидмәтчиләри кими Онун јолунда ҹанла-башла чалышырыг. Һәмин инсанлардан бири биринҹи әсрдә јашамыш Тимути иди (Ибр. 6:10—12). Тимутидә Јеһованын она мүкафат верәҹәјинә ҝүҹлү әминлик вар иди (1 Тим. 4:10). Буна ҝөрә дә о, Јеһова вә башгалары уғрунда әлиндән ҝәләни әсирҝәмирди. О нәләр едирди? Һәвари Булус она нәсиһәт етмишди ки, мүәллим вә натиг кими пүхтәләшсин. Бундан әлавә, Тимути бөјүклү-кичикли бүтүн диндашларына нүмунә олмалы иди. Үстәлик, она чәтин тапшырыглар да верилмишди. Мәсәлән, о, лазым оланда мәһәббәтлә, амма ҹидди мәсләһәт вермәли иди (1 Тим. 4:11—16; 2 Тим. 4:1—5). Тимути әмин ола биләрди ки, Јеһова ону мүкафатландыраҹаг (Ром. 2:6, 7). w24.06 с. 22—23, абз. 10, 11