25 Ölkədə xeyli yaşayandan, oğul-uşaq, nəvə-nəticə sahibi olandan sonra rəzillik edib büt düzəltsəniz,+ Allahınız Yehovanın gözündə şər iş görüb Onu təhqir etsəniz,+ 26 bu gün göyü və yeri sizə qarşı şahid tuturam ki, İordanı keçib alacağınız ölkədən yox olacaqsınız, özü də çox tez bir zamanda. Bəli, orada çox qalmayacaqsınız, büsbütün tələf olacaqsınız.+

17 Amma əgər ürəyiniz Allahdan dönərsə,+ Onun sözünə qulaq asmayıb başqa allahlara səcdə qılar, onlara qulluq edərsinizsə,+ 18 onda bilin və agah olun, hökmən məhv olacaqsınız.+ İordanı keçib tutacağınız diyarda çox yaşamayacaqsınız.

12 Amma Allahdan üz döndərsəniz, aranızda yaşayan bu xalqlardan qalanlara+ bağlansanız, onlarla izdivaca girsəniz,+ qaynayıb-qarışsanız, 13 onda bilin ki, Allahınız Yehova bu xalqları önünüzdən qovmayacaq.+ Allahınız Yehovanın sizə verdiyi bu gözəl diyardan kökünüz kəsilənə qədər, onlar sizə tələ, tor olacaq, kürəyinizə vurulan qamçı,+ gözünüzü dələn tikan olacaq.