Zəbur

9 Bütün qəlbimlə Səni mədh edərəm, ey Yehova,

Xariqüladə işlərindən danışaram.+

 2 Fərəhim, hədsiz sevincim Sənsən,

Adını nəğmələrdə tərənnüm edərəm, ey Haqq-Taala!+

 3 Düşmənlər geri çəkiləndə+

Büdrəyib önündən yox olacaqlar.

 4 Mənim haqq işimi müdafiə edirsən;

Taxtına əyləşərək ədalətlə hökm edirsən.+

 5 Xalqları məzəmmət etdin,+ pislərin kökünü kəsdin,

Adlarını əbədilik sildin.

 6 Düşmən həmişəlik məhv olub,

Şəhərlərini yerlə yeksan etmisən,

Xatirələri də büsbütün məhv olacaq.+

 7 Lakin Yehova taxtında əbədi əyləşib,+

O, taxtını ədalət üçün qurub.+

 8 O, dünyanı ədalətlə mühakimə edəcək,+

Ümmətlərə haqq hökmlər çıxaracaq.+

 9 Yehova məzlumlar üçün pənah yeri,+

Dar gündə sığınacaqdır.+

10 Adını tanıyanlar Sənə təvəkkül edir, ey Yehova,+

Səni axtaranlardan üz döndərməzsən.+

11 Sionda yaşayan Yehovanı nəğmələrdə tərənnüm edin,

Xalqlar arasında işlərindən danışın!+

12 Qanlarının intiqamını Alan onları yadda saxlayır,+

O, məzlumların fəryadını unutmaz.+

13 Lütf et, ey Yehova, ey məni ölüm qapılarından qaldıran,+

Mənə nifrət edənlərin zülmünü gör.

14 Onda Sion qızının qapılarında

Tərifli işlərini bəyan edərəm,+

Verdiyin qurtuluşa sevinərəm.+

15 Xalqlar qazdıqları quyuya özləri düşüb,

Ayaqları sərdikləri tora ilişib.+

17 Şər adamlar, Allahı unudan bütün xalqlar

Məzara* gedəcək.

18 Yoxsullarsa həmişəlik unudulmaz,+

Fağırların ümidi heç vaxt itməz.+

19 Qalx, ey Yehova! Qoyma fani insan üstün gəlsin,

Qoy xalqlar Sənin önündə məhkum edilsin.+

20 Ey Yehova, xalqların canına qorxu sal,+

Qoy bilsinlər ki, fani insandırlar. (Selah)