DƏRS 11

Şövq

Romalılara 12:11

İCMAL: Şövqlə danışaraq dinləyicilərdə həvəs oyat, onları hərəkətə təşviq et.

Məlumatı ürəyinə ötür. Nitqi hazırlayarkən məlumatın vacibliyi barədə düşün. Materialı yaxşı mənimsə ki, ürəkdən danışa biləsən.
Dinləyicilər barədə düşün. Oxuyacağın, yaxud çatdıracağın məlumatın dinləyicilərə faydası barədə düşün. Məlumatı elə təqdim et ki, dinləyicilər onun faydasını aydın görsünlər.
Canlı çıxış et. Şövqlə danış. Hisslərini ifadə etmək üçün jestlərin və üzündəki ifadə təbii olsun.

Eyni jesti tez-tez təkrarlama, yoxsa dinləyicilərin fikri yayınar. Çalış jestlərin mənalı olsun. Xüsusilə əsas fikirləri izah edərkən və dinləyiciləri hərəkətə təşviq edərkən şövqlə danış. Amma bütün nitqi yüksək şövqlə söyləmə, əks halda, dinləyicilər yorulacaq.