Bu adam yaxınlaşıb İsanın ayaqlarına yıxılır, içindəki cinlər onu qışqırmağa məcbur edirlər: «Ey Allah-Taalanın Oğlu İsa! Məndən nə istəyirsən? Səni and verirəm Allaha, məni incitmə!»

— Adım Legiondur, çünki biz çoxuq, — o cavab verir. Cinlər ələ keçirə bildikləri adamların əzab çəkmələrindən həzz alırlar. Öz qənimətlərinin üzərinə quldur dəstəsi kimi atılmaq, görünür, onlara xüsusi ləzzət verir. Amma İsa ilə qarşılaşdıqda cinlər başlayırlar yalvar-yaxar etməyə ki, onları dibsiz ümmana göndərməsin. Biz yenə də İsanın böyük qüdrət sahibi olduğunu müşahidə edirik, hətta mənfur cinlərin üzərində də onun hakimiyyəti vardır! Bu hadisə həmçinin göstərir ki, cinlər Allahın çıxartdığı hökmə əsasən, öz rəhbərləri Şeytan İblislə birgə mütləq dibsiz ümmana atılacaqlarını bilirlər.