Dəyişikliklərə uyğunlaşmağa hazırsanmı?

 1. Dünyada baş verən dəyişikliklər bizdən nə tələb edir?

¹ Dünya 1 Korinflilərə 7:31 ayəsində səhnəsi və aktyorları daim dəyişən teatr səhnəsinə bənzədilir. Dünyada baş verən dəyişikliklər tələb edir ki, biz də vaxtaşırı təbliğ üsullarımızı, cədvəlimizi və yanaşma tərzimizi dəyişək. Bəs sən uyğunlaşmağa hazırsanmı?

 2. Təşkilatla ayaqlaşmaq nəyə görə vacibdir?

² Təbliğ üsullarımız. Məsihçi yığıncağı dəyişikliklərə uyğunlaşmağı həmişə bacarıb. İsa hələ təzə-təzə şagirdlərini təbliğə göndərəndə tapşırmışdı ki, onlar özlərilə nə yemək, nə də pul götürsünlər (Mat. 10:9, 10). Ancaq İsa şagirdlərinin gələcəkdə təqiblərlə üzləşəcəyini və təbliğ işinin digər ərazilərə də yayılacağını bildiyinə görə bu tapşırığında dəyişiklik etdi (Luka 22:36). Ötən əsrdə Yehovanın təşkilatı o vaxtlar üçün zəruri olan müxtəlif təbliğ üsullarından — şahidlik üçün vərəqələrdən, radiodan, üzərində səsgücləndirici qurğular quraşdırılmış avtomobillərdən istifadə edib. Bu gün isə bir çox ərazilərdə insanları evdə tapmaq çətin olduğundan evdən-evə təbliğlə yanaşı, ictimai yerlərdə təbliğ etmək və qeyri-rəsmi şahidlik vermək zərurəti yaranır. Biz həmçinin işdən qayıtmış insanları tapmaq üçün axşamüstü evdən-evə təbliğ etməyə təşviq olunmuşduq. Bəs Yehovanın səmavi arabası öz istiqamətini dəyişəndə sən bu dəyişikliyə uyğunlaşa bilirsən? (Yez. 1:20, 21).

 3. Dəyişikliyə uyğunlaşmaq ərazimizdə daha effektli təbliğ etməyə necə kömək edir?

³ Təqdimələrimiz. Yaşadığımız ərazidəki insanları hal-hazırda nə narahat edir? İqtisadi vəziyyət? Ailə? Müharibə şəraiti? İnsanların gündəlik problemlərindən və şəraitindən halı olsaq, təqdimələrimizi onların vəziyyətinə uyğunlaşdıra biləcəyik (1 Kor. 9:20—23). Ev sakini öz fikrini bildirəndə əvvəlcədən hazırladığımız təqdimə üzrə danışmaqdansa, yaxşı olar ki, söhbəti onu maraqlandıran məcrada davam etdirək.

 4. Nə üçün dəyişikliklərə ləngimədən uyğunlaşmalıyıq?

⁴ Çox tezliklə bu dünyanın sonuncu «səhnəsi» yekunlaşacaq və böyük müsibət başlayacaq. «Artıq vaxt azalıb» (1 Kor. 7:29). Vaxtın azaldığı müddətdə çox iş görmək üçün dəyişikliklərə uyğunlaşmaq və bunu təxirə salmadan etmək olduqca vacibdir!