DƏRS 21

Xoş xəbərin müjdəçiləri

Çap versiyası

Yehova Öz Padşahlığı vasitəsilə bütün problemləri tezliklə aradan qaldıracaq. Bu, çox sevindirici xəbərdir. Onu hər kəsə müjdələmək lazımdır. İsa istəyirdi ki, davamçıları bu xəbəri insanlara bəyan etsin (Mətta 28:19, 20). Yehovanın Şahidləri İsanın bu əmrini necə yerinə yetirir?

1. Mətta 24:14 ayəsindəki peyğəmbərlik bu gün necə yerinə yetir?

İsa Məsih qabaqcadan demişdi: «Padşahlıq haqqındakı bu müjdə... bütün yer üzündə təbliğ ediləcək» (Mətta 24:14). Yehovanın Şahidləri bu vacib işi böyük sevinclə yerinə yetirir. Biz müjdəni bütün dünyada 1000-dən çox dildə təbliğ edirik. Bu işi həyata keçirmək üçün böyük güc və təşkilatçılıq tələb olunur. Yehovanın köməyi olmadan bu mümkün olmazdı.

2. Hansı üsullarla təbliğ edirik?

Biz müjdəni insanlara hər yerdə çatdırırıq. Birinci əsrdə yaşamış ilk məsihilər kimi, «ev-ev» təbliğ edirik (Həvarilərin işləri 5:42). Bu üsulun sayəsində hər il milyonlarla insanla söhbət edirik. Amma insanlar həmişə evdə olmurlar. Buna görə də ictimai yerlərdə də təbliğ edirik. Bir sözlə, biz hər fürsətdən istifadə edib insanlara Yehova barədə və Onun niyyətləri haqda danışırıq.

3. Müjdəni təbliğ etmək kimin məsuliyyətidir?

Müjdəni təbliğ etmək əsl məsihilərin hamısının məsuliyyətidir. Biz bu məsuliyyətə ciddi yanaşırıq. Başa düşürük ki, bu xəbər insanların həyatını xilas edir. Buna görə də bacardığımız qədər çox təbliğ etməyə çalışırıq. (1 Timutiyə 4:16 ayəsini oxuyun.) Biz bu işi görmək üçün pul almırıq, çünki Müqəddəs Kitabda deyilir: «Təmənnasız almısınız, təmənnasız da verin» (Mətta 10:7, 8). Hamı müjdəni qəbul etmir. Buna baxmayaraq, biz təbliğə davam edirik. Çünki bu, ibadətimizin ayrılmaz hissəsidir və təbliğ etməklə biz Yehovanı sevindiririk.

D Ə R İ N L İ Y Ə V A R I N

Görün Yehovanın Şahidləri bütün dünyada necə təbliğ edir və Yehova bu işdə onlara necə kömək edir.

A) İki Yehovanın Şahidi Kosta-Rikada dağın yamacında kişiyə təbliğ edir. — Bütün dünyada təbliğ: A) Kosta-Rika, B) ABŞ, C) Benin, Ç) Tailand, D) Yap, E) İsveç

B) Dörd Yehovanın Şahidi Birləşmiş Ştatlarda balıqçılara təbliğ edir. — Bütün dünyada təbliğ: A) Kosta-Rika, B) ABŞ, C) Benin, Ç) Tailand, D) Yap, E) İsveç

4. Hamıya təbliğ etmək üçün var gücümüzlə çalışırıq

Yehovanın Şahidləri əllərindən gələni edirlər ki, xoş xəbəri bütün dünyada yaşayan insanlara çatdırsınlar. VİDEOYA baxın və növbəti sualı müzakirə edin:

VİDEO: «“Yerin ucqarlarınadək” təbliğ olunur» (7:38)

Yehovanın Şahidlərinin təbliğə münasibətində sizin nə xoşunuza gəlir?

Mətta 22:39 və Romalılara 10:13—15 ayələrini oxuyun. Sonra növbəti sualları müzakirə edin:

Təbliğ işimizdən insanları sevdiyimiz necə görünür?
Yehova müjdəni təbliğ edənlərə necə yanaşır? (15-ci ayəyə baxın.)

5. Biz «Allahın əməkdaşlarıyıq»

Bir çox hadisələr göstərir ki, Yehova təbliğ işini idarə edir. Məsələn, Yeni Zelandiyada Pol adlı qardaş günorta vaxtı ev-ev təbliğ edəndə bir qadınla rastlaşmışdı. Elə həmin gün səhər bu qadın Yehovanın adını çəkərək dua etmişdi, yalvarmışdı ki, kimsə ona baş çəksin. Pol deyir: «Üç saat sonra mən onun qapısını döydüm».

1 Korinflilərə 3:6, 9 ayələrini oxuyun və növbəti sualı müzakirə edin:

Bu və buna bənzər hadisələr Yehovanın təbliğ işini idarə etdiyini necə göstərir?

Həvarilərin işləri 1:8 ayəsini oxuyun və növbəti sualı müzakirə edin:

Nəyə görə təbliğ işini həyata keçirmək üçün Yehovanın köməyinə ehtiyacımız var?

Bilirsiniz?

Həftəarası görüşlərimizdə biz hər həftə təbliğ işi ilə bağlı təlim alırıq. Bu görüşlərdən birində iştirak etmisinizsə, orada verilən təlimlə bağlı nə düşünürsünüz?

İki Yehovanın Şahidi yığıncaq görüşündə müjdəni təbliğ etməyin üsulunu səhnəcikdə göstərir.

6. Biz Allahın əmrinə tabe oluruq

Birinci əsrdə əleyhdarlar çalışırdı ki, İsa Məsihin davamçıları təbliği dayandırsın. Amma ilk məsihilər təbliğ etmək hüquqlarını müdafiə edirdilər. Bunun üçün onlar müjdənin qanuni tanınmasına çalışırdılar (Filippililərə 1:7). Bu gün Yehovanın Şahidləri də eyni şeyi edira.

VİDEOYA baxın.