Məsihin gəlişi bizi qorxutmalıdırmı?

İSA MƏSİHİN gəlişi deyəndə təsəvvürünüzdə nə canlanır? Sizin fikrinizcə, bu, bəşəriyyət üçün müsibət, cəza deməkdir? Yoxsa siz həmin günün bütün problemlərimizə son qoyacağını gözləyirsiniz? İsa Məsihin gəlişi bizi qorxutmalıdır, yoxsa onu səbirsizliklə gözləməliyik?

Məsihin gəlişi ilə əlaqədar Müqəddəs Kitabda deyilir: «Budur O, buludlarla gəlir! Və hər göz... Onu görəcək; və dünyanın bütün qəbilələri Onun üçün sinə döyəcəklər» (Vəhy 1:7). Məsih düz adamlara mükafat, pislərə isə cəza vermək üçün gələcək.

Həvari Yəhya Məsihin gəlişindən qorxmur, əksinə, onu səbirsizliklə gözləyirdi. Bu haqda və onun insanlara gətirəcəyi xeyir-dualar barədə vəhy alandan sonra Yəhya ürəkdən dua etdi: «Gəl, ya Rəbb İsa!» (Vəhy 22:20). Bəs nə üçün ‘dünyanın bütün qəbilələri Onun üçün sinə döyürlər’? «Hər göz» hansı mə’nada onu görəcək? İsa Məsihin gəlişi nəyi həyata keçirəcək? Ona iman etmək bizə indidən hansı faydanı gətirir? Bu suallara növbəti məqalədə ­cavab tapacağıq.