10. Gem Gɔradoba Sɔɔ

1 GƆRADOBA BA SÃAWA YEHOFAN YƐNUGIBU

“Bɛɛ Yinni Gusunɔn gɔradoba, bɛɛ be I dam mɔ . . . I nùn siaro.”—Womusu 103:20

Mba sa yɛ̃ gɔradoba sɔɔ?

• Yoobu 38:4-7

  Yehofa u gbia u gɔradoba taka kua u sere tem kua.

• Kãsiru 5:11

  Gɔradoba ba sãawa yakom dabinu.

• 1 Piɛɛ 1:11, 12

  Gɔradoba ba ra kã bu Yehofan himba gia tem sɔɔ.

• Luku 15:10

  Gɔradoba ba ra Gusunɔn sãɔbun gari kã.

2 GƆRADOBA BA RA GUSUNƆN SÃƆBU SOMI

“Win gɔrado u ra be ba nùn nasie kɔ̃su kpa u be yara karin di.”—Womusu 34:8

Amɔsunwa sa ka yɛ̃ ma gɔradoba ba koo kpĩ bu tɔmbu somi?

• Torubu 19:15, 16; Daniɛli 6: 22; Luku 22:43; Gɔrobun kookoosu 12:6-11

  Gɔradoba ba Lɔtu, Daniɛli, Yesu ka Piɛɛ somi.

• Heberu 1:7, 14

  Gisɔn tɔ̃ru Yehofa u ra win gɔradoba loo ko bu ka win sãɔbu somi kpa bu be kɔ̃su.

3 MALEEKA KƆ̃SOBU BA RA KASU BU SUN KƆ̃SA KUA

“Kpa Setam u ku ka sun kamia domi sa win bwisikunu yɛ̃ sãa sãa.”—2 Korinti 2:11

Berà ba sãa wɛrɛkuba, mban sɔ̃na ba koo kpĩ bu sun kɔ̃sa kua?

• Kãsiru 12:9

  Maleeka goo u Yehofa tekuri. Ba wi soka Setam.

• Torubu 6:2

  Nɔwɛn saa sɔɔ maleeka gabu ba tekura ma ba na temɔ.

• Mateu 9:34

  Maleeka be, ba Setam swĩi ben tekuru sɔɔ ma ba gɔsia wɛrɛkuba.

• Sɔ̃ɔsiru 18:10, 11

  Wɛrɛku be, ba ra tɔmbu nɔni wɔ̃ke kpa bu be kɔ̃sa kua mɛn nɔɔ ba kpĩa.

4 KAA KPĨ A KA SETAM KA WƐRƐKUBA YINA

“I Setam yinɔ, kpa u bɛɛ suuri.”—Yakɔbu 4:7

Amɔsunwa kaa ko a ka Yehofan somiru wa kpa a ka Setam ka wɛrɛkuba yina?

• Gɔrobun kookoosu 19:19

  A tim kankam, ka sɔrorun gãanu kpuro kɔ̃ɔwɔ, a ku maa dobo dobo ka gãa nanumginu mɛɛri nge nu ǹ kɔ̃sa gaa mɔ a n tamaa dweeba.

• Efesu 6:16, 18

  A wunɛn naanɛ dokebu baniɔ ka Bibelin keu kpa a Gusunɔn faaba kana.

• Mɔnnu 18:10

  A Yehofan yĩsiru loo koowo.