11. Mban Sɔ̃na Nɔni Swãara Dabia?

1 YEHOFA KUN SÃA BƐSƐN NƆNI SWÃARUN NUURU

“In yɛ̃ ma Gusunɔ ku ra kɔ̃sa ko. Gusunɔ Dam Kpurogii u ku ra tɔnu win gem bire!”—Yoobu 34:10

Mban sɔ̃na nɔni swãara dabia handunia sɔɔ?

• 1 Yohanu 5:19

  Setam Yibirisiwa sãa handunia yenin wirugii.

• Waasu kowo 8:9

  Gabu ba ra n ben tɔnusibu nɔni sɔ̃ɔmɔ.

• Waasu kowo 9:11

  Gasɔ maa tɔmba ra nɔni swãaru wa yèn sɔ̃ ba wãa yam kɔ̃sum sɔɔ saa kɔ̃sa sɔɔ.

• 1 Piɛɛ 5:7

  Yehofa u tɔmbun kĩru mɔ too. U ǹ kĩ u be wa ba n nɔni sɔ̃ɔre.

2 SETAM U YEHOFAN SINANDU SIKI

“Domi Gusunɔ u yɛ̃ . . . bɛɛn nɔni koo wukiarawa kpa in gea ka kɔ̃sa yɛ̃.”—Torubu 3:5

Mban sɔ̃na Yehofa kun Setam yibɛrɛ tɛɛru atafiiru kue?

• Torubu 3:2-5

  Setam u Gusunɔ gari sie u nɛɛ u ǹ sãa Yinni geo. Setam u kĩ tɔmbu ba n tamaa ba gem mɔ bu ka tii gɔsi ye ya gea ǹ kun mɛ kɔ̃sa.

• Yoobu 38:7

  Setam u Yehofan sinandu siki maleeka yakom dabinun wuswaaɔ.

3 SETAM GARI YI, YI RAA NA YI KUA WEESU

“Tɔnu kun kpɛ̃ u win tii kpara nge mɛ n weenɛ.”—Yeremi 10:23

Mban sɔ̃na tɔmbun nɔni swãaru ta tɛɛmɔ too?

• Esai 55:9

  Tɔmba sinandu dabinu kɔsa, adama ba ǹ kpĩa ba tem kpare dee dee domi ba ǹ Gusunɔ kasu.

• 2 Piɛɛ 3:9, 10

  Yehofa u ka sun suuru sãa ma u sun saa deria su ka wi gia kpa su ka wi sua nge bɛsɛn wirugii.

• 1 Yohanu 3:8

  Yehofa u koo Yesu loo ko u ka kɔ̃sa ye Setam kua kpuro sɔmɛ.

4 A WUNƐN TII MƆRU LOO KOOWO A KA YEHOFA SÃA

“Nɛn bii a de a tii nɛnɛ, . . . baa wi man wĩibu seewa, kpa n kpĩ n nùn wisi.”—Mɔnnu 27:11

Mban sɔ̃na Yehofa kun sun tilasi mɔ̀ su ka wi sã?

• Mɔnnu 30:24

  Yɛɛ kun tii mɔru mɔ, adama Yehofa u sun tii mɔru kã. Sa ko kpɩ̃ su gɔsi su wi sã ǹ kun mɛ su yina.

• Mateu 22:37, 38

  Yehofa u kĩ su wi sã yèn sɔ̃ sa wi kĩ.