12. Amɔsunwa Kaa Ko A Ka Gɔsia Gusunɔn Bɔrɔ?

1 YEHOFAN BƆRƆ BA RA WI MƐM NƆƆWƐ

“Bu nɛn gari nɔɔwɔ, kpa na n sãa ben Yinni, kpa be, ba n maa sãa nɛn tɔmbu.”—Yeremi 7:23

Kaa kpĩ a n sãa Gusunɔn bɔrɔ?

• Torubu 22:18; Yakɔbu 2:23

  Aburahamu u gɔsia Yehofan bɔrɔ yèn sɔ̃ u Gusunɔ swaa daki, ma u wi naanɛ doke.

• 2 Bandun Gari 16:9

  Yehofa u koo be ba wi mɛm nɔɔwɛ somi.

• Womusu 25:14; 32:8

  Yehofa u ra win bɔrɔba laakari kɛ̃.

• Womusu 55:22

  Yehofa u koo win bɔrɔba nɔma kɛ̃.

2 YOOBU U KUA GUSUNƆN BƆRƆ MA U YƆ̃RA SIM SIM NAANƐ SƆƆ

“Ka yen de kpuro Yoobu kun Gusunɔ kɔ̃sa gaa mani, u ǹ maa nùn torari.”—Yoobu 1:22

Amɔsunwa Setam u Yoobu seesi, amɔsunwa Yoobu u kua?

• Yoobu 1:10, 11

  Setam u nɛɛ Yoobu kun Gusunɔn kĩru mɔ adama win tii tiin arufaaniwa u ra n kasu.

• Yoobu 1:12-19; 2:7

  Yehofa u Setam deri u ye Yoobu mɔ kpuro wi warari.

• Yoobu 27:5

  Yoobu kun yɛ̃ mban sɔ̃na u nɔni swãa ten bweseru waamɔ ka mɛ u yɔ̃ra sim sim naanɛ dokebu sɔɔ.

3 SETAM U KOOKARI MƆ̀ U KA NUN GƐRASIA YEHOFAN SWAAN DI

“Ye tɔnu u mɔ kpuro u koo wɛ̃ u ka win wãaru yakia.”—Yoobu 2:4

Amɔsunwa Setam u ra ko u ka bɛsɛn bɔrɔnu ka Yehofa sanku?

• 2 Korinti 11:14

  Setam u ra n kĩ u sun nɔni wɔ̃ke su ku ka Yehofa mɛm nɔɔwa.

• Mɔnnu 24:10

  U ra n kĩ sa n tamaa sa ǹ tura su Yehofa sã.

• 1 Piɛɛ 5:8

  Setam u ra sun nɔni sɔ̃.

• Mɔnnu 27:11

  A gɔsio a Yehofa mɛm nɔɔwa kpa a ko win bɔrɔ naanɛgii. Yeni ya koo sɔ̃ɔsi ma Setam wee kowowa.

4 SA RA YEHOFA MƐM NƆƆWƐ YÈN SƆ̃ SA WIN KĨRU MƆ

“Sà n Gusunɔ kĩ sa koo maa win wooda nɛnɛ.”—1 Yohanu 5:3

Amɔsunwa kaa ko a ka gɔsia Yehofan bɔrɔ?

• Sɔ̃ɔsiru 6:5

  A Gusunɔ kĩru sɔ̃ɔsio. Ya koo nun somi a ka wi mɛm nɔɔwa.

• Esai 48:17, 18

  A Yehofa mɛm nɔɔwɔ, kaa n yen arufaani waamɔ baadomma.

• Sɔ̃ɔsiru 30:11-14

  A n yɛ̃ ma Yehofa kun nun gãanu bikiamɔ ye a ǹ kpɛ̃ a ko.

• Filipi 4:13

  A gea koowo, kpa Yehofa u nun dam mɛ n bukata a mɔ kɛ̃.