24 Partus ma istri ni si Manoa, jala dibahen ma goar ni anakna si Simson.+ Magodang ma dakdanak i, jala toktong do dipasu-pasu Jahowa ibana. 25 Dung i, songgop ma tondi parbadia ni Jahowa tu ibana+ tikki di Mahane-dan+ na di holang-kolang ni Zora dohot Estaol.+

5 Alani i, borhat ma si Simson, omakna, dohot bapakna tu Timna. Dung sahat ibana di ladang anggur na di Timna, ro ma sada singa* na marauang mandapotton ibana. 6 Dung i dibahen Jahowa ma lam gogo si Simson marhite tondi parbadiana.+ Gabe diribak dua ibana ma singa i songon na mangaribakkon anak ni hambing. Holan tanganna do dipakke ibana mangaribakkon i. Alai dang dipaboa ibana na masa i tu omakna dohot tu bapakna.