32 Didok si Daud ma tu si Saul, “Unang pola adong na mabiar alani ibana. Lao pe naposomon mangalo halak Palistim i.”+

36 Nungnga dipamate naposomon singa dohot beruang. Alani i, bahenokku ma songon i tu halak Palistim na so marsunat i. Ai ro do ibana mangasangi tentara ni Debata na mangolu i.”+

45 Didok si Daud ma tu si Goliat, “Podang dohot dua tombak+ do dipakke ho lao mangalo au, alai anggo au, di bagasan goar ni Jahowa Pamimpin ni Akka Tentara*+ do au mangalo ho. Ibana do Debata ni akka tentara ni Israel na nireheanmi.+ 46 Sadari on, pasahaton ni Jahowa ma ho tu tanganku.+ Pamateonku ma ho jala ponggolokku ma ulum. Sadari on, lehonokku ma bakke ni akka tentara ni halak Palistim tu akka pidong na martonga-tonga langit dohot tu binatang buas. Alani i, botoon ni sude halak na di tano on ma na adong do Debata ni halak Israel.+