10 Marsogotna i, dipasombu Debata ma susa roha ni si Saul.+ Gabe busisaon ma ibana jala dang songon na somal be* pangalahona di jabuna. Dung i, marharpa+ ma si Daud songon na somal. Jala ditiop si Saul do tikki i tombakna.*+ 11 Ditullangkon si Saul ma tombakna i tu si Daud.+ Ai didok ibana do di rohana, ‘Ikkon hupattikkon do si Daud tu tembok i!’ Alai dang hona tombak i tu si Daud jala nungnga dua hali masa songon i.

20 Dung i lari ma si Daud sian huta Nayot na di Rama. Didapotton ibana ma si Jonatan jala ninna ma, “Aha huroha hubahen tu bapakmu?+ Aha salakku tu ibana? Aha dosakku tu bapakmu umbahen sai naeng dipamate ibana au?”

33 Gabe naeng dipamate si Saul ma si Jonatan. Ditullangkon ibana ma tombakna* i tu si Jonatan.+ Gabe diboto si Jonatan ma na naeng pamateon ni si Saul do si Daud.+

15 Tikki di Gurun Sip na di Hores si Daud, diboto ibana ma na* sai dilului si Saul ibana lao pamateonna.