9 Dang sadia leleng, disukkun Jahowa ma tu si Kain, “Didia anggim si Abel?” Didok si Kain ma, “Dang huboto bah. Ai au huroha panjaga ni anggikki?” 10 Didok Debata ma muse, “Boasa dibahen ho songon i? Diboto ho do, mangangguki do mudar ni anggimi sian tano i jala sahat do i tu Au.+

5 Ikkon martanggung jawab do manang ise pe na mangusehon mudarmu. Molo binatang do na mangulahon i, ikkon mate do binatang i. Alai molo donganmu jolma do na mangulahon i, ikkon gararonna do i mamakke hosana sandiri.+

24 Dibuat si Jehu ma panahna. Dipanah ma tanggurung ni si Jehoram pola tombus sahat tu jantungna. Dung i, mate ma si Jehoram di kareta porangna i.

26 ‘Ninna Jahowa do, “Huida do mudar ni si Nabot+ dohot mudar ni akka anakna nattoari.” Didok Jahowa do muse, “Baloshonokku do pambahenanmi+ di ladang on.”’ Alani i, buat ma bakkena i jala sappatton ma tu ladang i, songon na nidok ni Jahowa.”+

3 Jahowa do na marsuru akka pangarampok i mambahen susa halak Juda. Ai naeng dipalao Ibana do halak Juda sian jolona+ alani sude dosa na binahen ni si Manasse.+ 4 Dipamate si Manasse do muse* akka halak na so marsala.+ Gabe dang olo be Jahowa manesa dosa ni halak Juda.+ Ai nungnga gok mudar ni halak na so marsala di Jerusalem dibahen ibana.

49 Alani i, didok Debata na marbisuk i ma songon on, ‘Suruokku do akka panurirang dohot akka apostel tu nasida, alai adong do deba dibunu nasida jala na deba nai siksaon ni nasida. 50 Alani i, sundut on ma na martanggung jawab* tu mudar ni sude panurirang na durus sian mulai adong portibi on,*+ 51 mulai sian mudar ni si Abel+ sahat tu mudar ni si Sakaria na dibunu di holang-kolang ni langgatan dohot bagas joro.’+ Hudok ma tu hamu, sundut on do na martanggung jawab* tusi.