34 Diboto hamu do, tanganku sandiri do na hupakke lao paradehon na porlu di au+ dohot na porlu di akka halak na rap dohot au.

11 Sahat tu saonari, male+ jala mauas+ do hami, dipukkuli,+ dang godang abitnami,* dang adong jabunami, 12 jala loja do hami karejo.+ Tikki dileai halak hami, dipasu-pasu hami do nasida.+ Tikki dibahen na haccit tu hami, sabar do hami manaon i.+

15 Alai dang adong hupakke sada pe sian pengaturan na adong i.+ Sasittongna, husurat pe akka i dang na lao manjalo manang aha pe au sian hamu. Tumagon ma au mate sian apala hubahen songon i. Ai bangga do rohakku mangulahon i di jolo ni sude jolma!+

9 Hamu ale akka dongan, tottu diingot hamu dope akka na dibahen hami jala songon dia lojanami mangulahon ulaon i. Karejo do hami arian nang borngin, asa unang susa hamu manarihon hami+ tikki hubaritahon hami barita na uli na sian Debata tu hamu.

8 Hugarar hami do sipanganon na huallang hami.+ Loja do hami karejo arian nang borngin, asa unang adong sian hamu na susa lao manarihon hami.*+

10 Gariada, tikki rap dope hami dohot hamu, jotjot do dipaboa hami sipaingot on tu hamu, “Manang ise na so olo karejo, unang ma mangan ibana.”+