36 Songon hata ni na tarsurat i, “Alani Ho, naeng dibunu do hami ganup tikki. Ai dibahen do hami songon biru-biru na lao diseat.”+

23 Parhobas ni Kristus do nasida? Hualusi ma nasida songon alus ni na rittik. Dumenggan dope au sian nasida. Unggodang do na huulahon sian nasida,+ unjotjot do au dipenjarahon,+ dang taretong be manang na piga hali au dipukkuli, jala jotjot do au nungnga naeng mate.+ 24 Lima hali ma au dilissingi halak Jahudi, 39 hali* ma sahali mangalissing. + 25 Tolu hali ma au dipukkuli dohot tukkot,+ sahali didangguri dohot batu,+ tolu hali ma lonong kapal na hutoppang,+ jala sadari saborngin ma au mumbang-umbang di laut. 26 Di pardalanan, jotjot do au mangadopi parmaraan. Adong do i alani sunge, alani pangarampok, alani dongan sabangsokku,+ dohot alani bangso na asing.+ Masa do parmaraan tu au di kota,+ di padang gurun, di laut, dohot di tonga-tonga ni dongan na so tutu dongan. 27 Massai godang do ulaonku na borat jala loja do au, jotjot do au dang modom,+ jotjot do au male jala mauas,+ jotjot do au hurang mangan,+ ngalian, jala dang adong pakkeanku.*