5 Alani i, borhat ma si Simson, omakna, dohot bapakna tu Timna. Dung sahat ibana di ladang anggur na di Timna, ro ma sada singa* na marauang mandapotton ibana. 6 Dung i dibahen Jahowa ma lam gogo si Simson marhite tondi parbadiana.+ Gabe diribak dua ibana ma singa i songon na mangaribakkon anak ni hambing. Holan tanganna do dipakke ibana mangaribakkon i. Alai dang dipaboa ibana na masa i tu omakna dohot tu bapakna.

34 Didok si Daud ma tu si Saul, “Ale tuan, au do na marmahan akka biru-biru ni bapakku. Hea do ro singa+ mambuat sada biru-biru i. Jala hea do ro beruang mambuat sada biru-biru i. 35 Pittor hulele ma i, hupamate, jala hupalua ma biru-biru i sian babana. Tikki diroro au, hutarik ma ibbuluna,* huattuk, jala hupamate ma i. 36 Nungnga dipamate naposomon singa dohot beruang. Alani i, bahenokku ma songon i tu halak Palistim na so marsunat i. Ai ro do ibana mangasangi tentara ni Debata na mangolu i.”+

21 Pittor didok si Daniel ma tu raja i, “Ale rajanami, sai anggiat ma mangolu ho saleleng ni lelengna. 22 Disuru Debatakku do suru-suruan manutup baba ni akka singa+ on jala dang dihahua akka singa i au.+ Ai so adong huulahon na sala tu Ibana jala dang adong salakku tu ho, ale rajanami.”